مغربی بنگال کے وزیر جاوید احمد خان کے صاحبزادے کاؤنسلر فیض احمد خان نے ای ٹی وی بھارت سے گفتگو کرتے ہوئے کہا کہ ریاست کا ماحول خوشگوار ہے لیکن چند لوگوں کو یہ پسند نہیں آ رہا ہے۔
انہوں نے کہا کہ اسمبلی انتخابات سے قبل ریاست میں افرا تفری کا ماحول پیدا کرنے کی کوشش کی جا رہی ہے لیکن وہ اپنے مقصد میں کبھی بھی کامیاب نہیں ہوں گے۔
ترنمول کانگریس کے سرکردہ رہنما نے کہا کہ وزیراعلیٰ ممتا بنرجی ہی سب سے بڑی سیاسی رہنما ہیں اور انہیں اس طرح کے حالات سے نمٹنے کا وسیع تجربہ ہے۔
فیض احمد خان نے کہا کہ آل انڈیا مجلس اتحاد المسلمین اور انڈین سیکولر فرنٹ سے کچھ ہونے والا نہیں ہے۔ اس سے پہلے بھی کئی فرنٹ بنے اور چلے گئے اور ممتا بنرجی اپنی جگہ پر مضبوطی سے کھڑی ہیں۔
انہوں نے کہا کہ بی جے پی، کانگریس، بایاں محاذ، مجلس اتحاد المسلمین اور انڈین سیکولر فرنٹ مل کر بھی ترنمول کانگریس کو نقصان پہنچا نہیں سکتی ہیں۔
یہ بھی پڑھیں: دہلی میں مزید 15 نیم فوجی کمپنیاں تعنیات کرنے کا حکم
فیض احمد خان نے کہا کہ کسی کے جانے اور آنے سے ترنمول کانگریس کو کوئی فرق پڑنے والا نہیں ہے۔ پرابیر گھوشال کے استعفیٰ دینے سے ترنمول کانگریس کو کوئی نقصان نہیں ہوگا۔
