کشن گنج سے محض 8 کلومیٹر کی دوری پر مغربی بنگال کے گوالپوکھر بلاک کے تحت پانجی پاڑہ میں آج ممتا بنرجی کی پارٹی ترنمول کانگریس کی جانب سے پیڑول، ڈیزل اور رسوئی گیس کی قیمتوں میں اضافہ کے خلاف ایک احتجاجی ریلی نکالی گئی، جس میں ترنمول کانگریس کے کئی سینئر لیڈران کے علاوہ ممتابنرجی کے سرکار میں کابینہ وزیر غلام ربانی نے اس احتجاجی ریلی میں شرکت کی۔
اس احتجاجی ریلی میں شامل کابینی وزیر غلام ربانی نے پیڑول، ڈیزل و رسوئی گیس کے قیمتوں میں اضافہ کیلئے مرکزی حکومت کو ذمہ دار بتایا۔
انہوں نے مزید کہا کہ عام زندگی کو متاثر کرنے والی ضروری اشیاء کے قیمتوں کو کنٹرول میں مرکز میں مودی حکومت مکمل طور پر ناکام رہی ہے۔
مزید پڑھیں: جنوبی 24 پرگنہ میں پٹرول اور ڈیزل کی قیمتوں کے خلاف احتجاج
اس موقع پر کابینہ وزیر غلام ربانی سے میڈیا نے بنگال بی جے پی ریاستی صدر دلیپ گھوش کے ایک بیان کا حوالہ دیتے ہوئے سوال کیا تو انہوں نے جواب دیتے ہوئے کہاکہ جو لوگ یہ کہتے ہیں کہ احتجاج کرنے سے پیٹرول، ڈیزل و گیس کے قیمتوں میں کمی نہیں آسکتی، وہ کبھی احتجاج کرکے سیاست میں نہیں آئے ہیں اسلئے انہیں احتجاج کے اثر کا کوئی اندازہ نہیں ہے بلکہ وہ تو نفرت کی سیاست و ہندو مسلم کے درمیان نفرت پیدا کرکے سیاست میں آئے ہیں، انہیں کیا پتہ احتجاج کیا ہوتا ہے۔
