کولکاتا:مغربی بنگال کے بردوان ضلع کے آسنسول میں گائے کی اسمگلنگ کے معاملے میں انوبرتا منڈل کو دوبارہ جیل بھیج دیا گیا ہے۔ منڈل کے وکیل نے اس دن آسنسول عدالت میں ضمانت کی درخواست نہیں دی تھی۔ انہیں 22 دسمبر کو دوبارہ عدالت میں پیش کیا جائے گا۔TMC MLA Anubrata Mondal Assets In Foreign Land Disclose
ای ڈی پہلے ہی گائے کی اسمگلنگ کیس کے ملزم منڈل کے سابق باڈی گارڈ سہگل حسین کو دہلی لے گئی ہے۔ گائے کیس کا مرکزی ملزم انعام الحق پہلے ہی وہاں موجود ہے۔ اب مرکزی تفتیشی ایجنسی انوبرتا منڈل کو دہلی لے جا کر گائے کی اسمگلنگ کیس کے ملزموں کا دائرہ مکمل کرنا چاہتی ہے۔
اسی وجہ سے، ای ڈی کے تفتیشی افسران نے پچھلے مہینے آسنسول جیل کا دورہ کیا اور انوبرتا سے ایک گھنٹے تک پوچھ گچھ کی۔ بعد ازاں تفتیش میں عدم تعاون پر انہیں قید خانے میں گرفتار کر لیا گیا۔ لیکن اس کے باوجود ای ڈی اب تک انوبرتا منڈل کو دہلی نہیں لے جا سکی۔ ای ڈی کے اس فیصلے کے خلاف منڈل نے عدالت میں اپیل کررکھی ہے۔
ذرائع کے مطابق ای ڈی کے افسران انوبر تا منڈل کے خلاف مزید معلومات اکٹھا کرنے کی کوشش کر رہے ہیں۔ گزشتہ چند ہفتوں میں انوبرت کے قریبی لوگوں کو پوچھ گچھ کے لیے دہلی بلایا گیا ہے۔ ذرائع کے مطابق ای ڈی نے ان سے پوچھ گچھ کرتے ہوئے انوبرتا منڈل کی دگر ریاستوں میں سرمایہ کاری کے بارے میں معلومات حاصل کی ہے۔ گائے کی اسمگلنگ کیس کی جانچ کرنے والے ای ڈی کے افسران نے متعلقہ ریاستوں کے ای ڈی کے افسران سے رابطہ کیا ہے۔
ای ڈی نے دعویٰ کیا کہ گائے کی اسمگلنگ سے حاصل ہونے والے منافع کو بہار، جھارکھنڈ میں پتھر کی کانوں میں لگایا گیا تھا۔ ذرائع کے مطابق اس سرمایہ کاری سے متعلق معلومات بیر بھوم کے ایک تاجر جوانوبرتا منڈل کے قریبی ہیں سے پوچھ گچھ کے دوران حاصل ہوئی ہیں۔ ذرائع کا ماننا ہے کہ ای ڈی ان تمام معلومات کا استعمال انوبرتا کو دہلی منتقل کرنے کیلئے کرے گی۔
بنگال میں میں انوبرتا، ان کی بیٹی اور آنجہانی بیوی کے نام پر کئی جائیدادوں کے ٹھکانے پہلے ہی مل چکے ہیں۔ کئی بینک کھاتوں کا پتہ چلا، جن میں 19 کروڑ روپے سے زیادہ جمع تھے۔ اس کے بعد ای ڈی کو ریاست سے باہر بھی سرمایہ کاری کے اشارے ملے۔ ای ڈی پہلے ہی انوراتا منڈل کی بیٹی اور انوبرتا منڈل کے اکاؤنٹ کیپر سے پوچھ گچھ کر چکی ہے۔TMC MLA Anubrata Mondal Assets In Foreign Land Disclose
