مغربی بنگال کے بیربھوم ضلع کے رامپور ہاٹ تھانہ کے تحت باگٹوی گاؤں میں دو بچوں سمیت نو لوگوں کو زندہ جلانے کے واقعے کی تحقیقات جاری ہے۔ سی بی آئی کی ٹیم نے رامپور ہاٹ سانحہ معاملے میں گرفتار ترنمول کانگریس کے رہنما انورالحق حسین کو رامپور ہاٹ محکمہ عدالت میں پیش کیا۔ رامپور ہاٹ ایک نمبر بلاک ترنمول کانگریس کے صدر انورالحق حسین نے عدالت میں جانے سے پہلے خود کو بے گناہ قرار دیا۔ رامپور محکمہ عدالت میں داخل ہونے سے پہلے ترنمول کانگریس کے گرفتار رہنما انورالحق حسین نے کہا کہ وہ بے گناہ ہیں۔ وہ کسی بھی معاملے میں ملوث نہیں ہیں۔ انہیں زبردستی اس معاملے میں پھنسایا گیا۔TMC Leader Produce in Rampurhat Court
انہوں نے کہا کہ بھارت کے قانون پر مکمل اعتماد ہے. سی بی آئی کی جانچ پر بھی مکمل اعتماد ہے. وہ باعزت رہا ہوں گے کیونکہ وہ بے گناہ ہیں۔ ان کا کہنا ہے کہ وہ ترنمول کانگریس کے رہنما ہیں۔ ترنمول کانگریس کی سربراہ ممتا بنرجی پر بھی پورا بھروسہ ہے۔ ان کے ساتھ کچھ برا نہیں ہوگا۔
واضح رہے کہ وزیر اعلیٰ ممتا بنرجی کی ہدایت پر رامپور ہاٹ تھانے کے آفیسر انچارج کو لاپرواہی برتنے کے الزام میں معطل کر دیا گیا۔ اس کے ساتھ رامپور ہاٹ ایک نمبر بلاک ترنمول کانگریس کے صدر انور الحق حسین کو اس معاملے میں ملوث ہونے کے الزام میں گرفتار کر لیا گیا۔ رامپور ہاٹ سانحہ میں اب تک 22 لوگوں کی گرفتاری عمل میں آئی ہے۔ اس کے ساتھ رامپور ہاٹ ایک نمبر بلاک ترنمول کانگریس کے صدر انور الحق حسین کو اس معاملے میں ملوث ہونے کے الزام میں گرفتار کر لیا گیا۔ رامپور ہاٹ سانحہ میں اب تک 22 لوگوں کی گرفتاری عمل میں آئی ہے۔
واضح رہے کہ پیر کی شب رامپور ہاٹ تھانہ کے باگٹوی پنچایت کے نائب پنچایت پردھان بھدو شیخ کی نامعلوم شرپسندوں کے بموں کے حملے میں موت ہوگئی تھی۔ اس واقعے کے چند گھنٹوں کے بعد دیر رات نامعلوم افراد نے باگٹی گاؤں کے دس سے بارہ گھروں میں آگ لگا دی تھی۔ آتشزدگی میں دو بچوں سمیت نو لوگوں کی موت ہوگئی تھی۔
