مغربی بنگال کے شمالی 24 پرگنہ ضلع کے ٹھاکر نگر جمعرات کی صبح اس وقت یہ واقعہ پیش آیا جب تین نوجوان اپنے کانوں میں ہیڈ فون لگائے ریلوے پٹری پر بیٹھ کر موبائل فون میں گیم کھیل رہے تھے تبھی لوکل ٹرین نے ٹکر مار دی۔
اس واقعے میں تین میں سے دو نوجوان موقع پر ہی ہلاک ہو گئے جبکہ تیسرے نوجوان کو انتہائی تشویشناک حالت میں کولکاتا میڈیکل کالج اینڈ ہسپتال میں داخل کرایا گیا ہے۔
ریلوے پولیس کے مطابق تینوں نوجوان پٹری پر بیٹھ کر موبائل پر گیم کھیل رہے تھے۔ ان کے کانوں میں ہیڈ فون لگے ہونے کی وجہ سے انھیں لوکل ٹرین کی آواز سنائی نہیں دی۔
انہوں نے مزید کہا کہ یہ ٹرین بنگاوں سے سیالدہ کی جانب جارہی تبھی یہ واقعہ پیش آیا۔
مقامی باشندوں نے کہا کہ یہاں اکثر صبح، شام اور رات کے وقت نوجوان ریلوے پٹری پر بیٹھ کر اپنے موبائل فون پر گیم کھیلتے رہتے ہیں۔ ان نوجوانوں کے ساتھ ایسا واقعہ پیش آنا ہی تھا کیونکہ یہ نوجوان گیم کھیلنے کے دوران پوری طرح سے لاپرواہ ہو جاتے تھے اور لاپرواہی کے سبب ہی یہ واقعہ پیش آیا۔
