مغربی بنگال کے ندیا ضلع کے چانپڑا تھانہ کے گوال ڈانگہ میں بھارت - بنگلہ دیش سرحد کے قریب ہوئے سڑک حادثے میں تین افراد کی موت ہو گئی۔
ذرائع کے مطابق یہ واقعہ آج دوپہر اس وقت پیش آیا جب بالی (بالو) لدی لاری نے مخالف سمت سے آنے والے موٹر سائیکل سوار کو ٹکر مار دی۔ ٹکر اتنی زور دار تھی کہ موٹرسائیکل پر سوار تینوں افراد موقع پر ہی ہلاک ہو گئے۔
پولیس نے جائے وقوع پر پہنچ کر حالات کو قابو میں کیا اور تینوں افراد کی لاش کو پوسٹ مارٹم کے لئے ہسپتال بھیج دیا۔
پولیس نے کہا کہ ابتدائی تفتیش سے پتہ چلا ہے کہ گہرے کہرے کے سبب یہ واقعہ پیش آیا جس میں تینوں افراد کی موت ہوئی۔
یہ بھی پڑھیں: واٹس ایپ ایک نجی ایپ ہے، اگر پریشانی ہو تو استعمال نہ کریں: دہلی ہائی کورٹ
پولیس نے مزید بتایا کہ اس حادثے میں ہلاک ہونے والوں کی شناخت اکرام منڈل، قاسم شیخ اور احمد شیخ کے طور پر ہویی ہے۔ تینوں پیشے سے راج مستری ہیں اور کام کے ارادے سے کہیں جا رہے تھے، تبھی حادثے کے شکار ہو گئے۔
