سلی گڑی:مغربی بنگال کے ضلع جلپائی گوڑی کے قریب پھول باڑی علاقے میں ہوئے سڑک حادثہ میں تین لوگوں کی موت ہو گئی۔ ایمبولینس آج صبح سویرے جلپائی گوڑی ضلع کے میناگوڑی سے سلی گوڑی جاتے ہوئے حادثے کا شکار ہوگئی۔ جس کی وجہ سے تین افراد موقع پر ہی دم توڑ گئے۔ اس کے علاوہ تین دیگر افراد شدید زخمی ہو گئے۔
پولیس ذرائع کے مطابق مرنے والوں میں ایمبولینس ڈرائیور پرشانت رائے (50)، مسافر بپن گھوش (35) اور ریتا ساہا شامل ہیں۔اس واقعہ میں مکتی ساہا، گوپال کر اور مردول ساہا شدید طورپر زخمی ہوگئے۔
ذرائع کے مطابق جب مکتی ساہا کو فالج کا دورہ پڑنے پر انہیں میناگوری اسپتال سے نارتھ بنگال میڈیکل کالج اینڈ ہسپتال منتقل کیا جانا تھا۔خاندان والے مریض کوانہیں میناگوری اسپتال سے نارتھ بنگال میڈیکل کالج اینڈ ہسپتال منتقل کرنے کے لئےایمبولنس کرائے پر لے کر سلی گوڑی کے لئے روانہ ہوگئے۔ ایمبولینس پھول باری کے قریب پہنچی تو مخالف سمت سے آنے والے ٹرک سے ٹکرا گئی۔ تصادم کی شدت اتنی تھی کہ تین افراد موقع پر ہی دم توڑ گئے
یہ بھی پڑھیں:Sultanpur Road Accident سلطان پور میں سڑک حادثہ، تین افراد کی موت
مقامی باشندوں نے فوری طور پر زخمیوں کو شمالی بنگال میڈیکل کالج اینڈ ہسپتال میں داخل کرایا۔موقع پر پہنچ کر سلی گوڑی پولس کمشنریٹ کے اعلیٰ حکام حالات کا جائزہ لیا ۔انہوں نے کہاکہ پورے معاملے کی تفتیش کی جا رہی ہے۔
