مغربی بنگال میں گزرتے وقت کے ساتھ ساتھ سیاسی سرگرمیوں میں تیزی آرہی ہے۔ مختلف اضلاع سے روزانہ دل بدل کی خبریں موصول ہو رہی ہیں۔
ریاست میں دل بدل کے کھیل کے دو حصوں میں تقسیم کیا جا سکتا ہے۔ پہلا اسمبلی انتخابات 2021 کی تاریخوں کے اعلان اور دوسرا نتائج کے بعد۔ دل بدل کے کھیل کی پہلی اننگز میں تمام کامیابیاں بی جے پی کو ملتی ہوئی نظر آرہی تھی، جس میں شھبندو ادھیکاری سمیت متعدد رہنما ٹی ایم سی کو چھوڑ کر بی جے پی میں شامل ہوگئے۔
رواں برس کے گزشتہ دو مئی کو اسمبلی انتخابات 2021 کے نتائج کے بعد ریاست کی سیاسی صورتحال میں تیزی سے تبدیلی آئی۔ بی جے پی کے قومی نائب صدر مکل رائے اور ان کے بیٹے ترنمول کانگریس میں شامل ہو گئے۔
اسی درمیان شمالی 24 پرگنہ کے بنگاؤں میں رکن اسمبلی بسواجیت داس کے ساتھ تقریباً دو ہزار رہنماؤں اور کارکنان بی جے پی کو چھوڑ کر ترنمول کانگریس میں دوبارہ شامل ہو گئے۔
بنگاوں میں زبردست شفاف پڑنے کے باوجود ریاستی صدر دلیپ گھوش یا پھر حزب اختلاف کے رہنما شھبندو ادھیکاری کی جانب سے ابھی تک کوئی ردعمل سامنے نہیں آیا ہے۔
دوسری طرف ترنمول کانگریس کے رہنماؤں کا کہنا ہے کہ جو لوگ ایماندار ہیں اور گمراہی کے سبب پارٹی چھوڑ کر چلے گئے تھے ان کی گھر واپسی کی راہ صاف ہے۔
- مزید پڑھیں: بی جے پی کے ایک اور رکن اسمبلی ترنمول کانگریس میں شامل
- بی جے پی رکن اسمبلی ترنمول کانگریس میں شامل
- بی جے پی رکن اسمبلی بسواجیت داس ترنمول کانگریس میں شامل
- پرنب مکھرجی کے بیٹے ابھیجیت ٹی ایم سی میں شامل
واضح رہے کہ چند ماہ قبل ترنمول کانگریس بھون میں ممتابنرجی کی موجودگی میں مکل رائے اور ان کے بیٹے شبرانسو رائے بی جے پی کو چھوڑ کر ترنمول کانگریس میں شامل ہوئے تھے اس کے بعد سے ہی بی جے پی کے رہنماؤں کے ترنمول کانگریس میں دوبارہ شامل ہونے کی کوشش تیز ہو گئی ہے۔
اس سے قبل اسمبلی انتخابات کے نتائج کے بعد سے ہی مشہور فٹبالر دیپندو بسواس، سونالی گویا، مالدہ ضلع کی مرمو سمیت بی جے پی کے کئی رہنماؤں نے ترنمول کانگریس میں دوبارہ شامل ہونے کی خواہش کا اظہار کر چکے ہیں۔
