وشبوپور سے رکن پارلیمان سمترا خان نے بی جے پی کے واٹس ایپ گروپ سے خود کو علیحدہ کرنے پر پارٹی چھوڑنے کو لے کر جاری قیاس آرائی کی سختی سے تردید کی ہے۔
مغربی بنگال میں سیاسی رہنماؤں کی بی جے پی کو چھوڑ کر گھر واپسی کی تیاری جاری ہے، اس بیچ وشنوپور سے رکن پارلیمان اور بی جے پی یوتھ مورچہ کے صدر سمترا خان اور پارٹی کے درمیان دوریاں بننے لگی ہیں۔
حالانکہ رکن پارلیمان سمترا خان نے تمام قیاس آرائیوں پر بریک لگاتے ہوئے کہا کہ وہ بی جے پی کے ایک اہم اور ذمہ دار رکن ہیں۔ وہ پارٹی میں خوش ہیں اور تمام اعلیٰ رہنماؤں کے ساتھ ان کے تعلقات اچھے ہیں اور حکمراں جماعت ترنمول کانگریس کے خلاف مہم کا حصہ ہے۔
واضح رہے کہ اسمبلی انتخابات کے نتائج کے بعد سے ہی مشہور فٹبالر دیپندو بسواس سمیت بی جے پی کے کئی رہنماؤں نے ترنمول کانگریس میں دوبارہ شامل ہونے کی خواہش کا اظہار کر چکے ہیں۔
