کھڑگپور: مغربی بنگال کے مشرقی مدنی پور ضلع کے کھڑگپور میں واقع آئی ئی ٹی ایک بار پھر سرخیوں میں ہے۔آسام کے طالب علم کی پراسرار موت کے واقعہ کی تفتیش مکمل نہیں ہوئی ہے کہ ہاسٹل کے ایک کمرے میں تلنگانہ کے طالب علم کی پراسرار موت ہوگئی۔
ذرائع کے مطابق مشرقی مدنی ضلع کے کھڑگپور میں آئی آئی ٹی گھڑگپورکے ایک ہاسٹل کے ایک کمرے سے تلنگانہ کے الیکٹریکل اینجنئیرنگ طالب علم کی آلاش برآمد کی گئی ہے۔پولیس پورے معاملے کی تفتیش کر رہی ہے۔
آئی آئی ٹی کھڑگپور کے احاطے میں واقع لال بہادر شاستری ہاسٹل کے ایک کمرے میں الیکٹریکل اینجنئیرنگ طالب علم کی سیلنگ سے جھولتی ہوئی لاش پائی گئی۔اس واقعے کے بعد پورے کیمپس میں سنسنی پھیل گئی۔طالب علم تلنگانہ کے میدک ضلع کا رہنے والا ہے۔
یہ بھی پڑھیں:CM Mamata Banerjee درگا پوجا سے قبل کسانوں کو ممتا بنرجی کا تحفہ، قرضہ معاف کرنے کا اعلان
انتظامیہ کی اطلاع پر مقامی تھانے کی پولیس نے جائے وقوع پر پہنچ کر پورے معاملے کا جائزہ لیا۔لاش کو اپنے قبضے میں لے کر پوسٹ مارٹم کے لئے ہسپتال بھیجنے کا انتظام کیا۔پولیس کا کہنا ہے کہ پورے معاملے کی تفتیش کی جا رہی ہے۔اس معاملے کی جب تک پوسٹ مارٹم رپورٹ موصول نہیں ہوتی ہے اس وقت تک کچھ بھی واضح طور پر کہا نہیں جا سکتا ہے۔آئی آئی ٹی کھڑگپور انتظامیہ نے اس سلسلے میں کچھ بھی کہنے سے انکار کردیا ہے۔
واضح رہے کہ چند برس قبل آسام سے تعلق رکھنے والا فیضان نام کے ایک طالب علم کی پراسرار موت ہوگئی تھی۔فیضان کی لاش بھی ہاسٹل کے کمرے میں پائی گئی تھی۔
