کولکاتا:مغربی بنگال اسمبلی میں قائد حزب اختلاف شبھندو ادھیکاری نےکہا کہ یہ بڑے فخر کی بات ہے اور یہ خوشی کا لمحہ ہے کہ گرودیو رابندر ناتھ ٹیگور کے شانتی نکیتن - 'امن کا گھر' یونیسکو کے عالمی ثقافتی ورثے کی فہرست میں شامل کیا گیا ہے۔ وشو بھارتی، ایک عالمی یونیورسٹی، "اتحاد انسانیت" کے وژن کے ساتھ جو ثقافتی حدود سے بالاتر ہے قدیم ہندوستانی روایات پر مبنی علم فراہم کرنے کے مقصد سے شانتی نکیتن میں قائم کی گئی تھی ۔
انہوں نے کہا کہ اتفاق سے جب ہندوستان "ایک زمین، ایک کنبہ اور ایک مستقبل کا عالمی روڈ میپ تیار کر رہا ہے، یونیسکو نے شانتی نکیتن کی 'انسانیت کی یکجہتی' کو تسلیم کیا ہے۔ مرکزی حکومت نے اس عالمی پہچان کے لیے بہت محنت کی ہے۔
شبھندو ادھیکاری نے کہا کہ جس دن یہ اہم اعلان کیا گیا وہ یونیورسٹی کے لیے بھی ایک خاص موقع تھا، کیونکہ یہ یونیورسٹی کے چانسلر (آچاریہ) عزت مآب وزیر اعظم نریندر مودی جی کا یوم پیدائش تھا۔
یہ بھی پڑھیں:UNESCO Honours Shanti Niketan یونیسکو کی طرف سے شانتی نکیتن کو عالمی ثقافتی وراثت کا درجہ ملنا قابل فخر لمحہ: مودی
مغربی بنگال کی وزیر اعلیٰ ممتا بنرجی نے اپنے ٹویٹ میں گرودیو رابندر ناتھ ٹیگور کی رہائش گاہ شانتی نکیتن کو یونیسکو کی عالمی ثقافتی ورثہ کی فہرست میں شامل کرنے پر خوشی کا اظہار کیا۔
