ترنمول کانگریس کے ذرائع کے مطابق میئر کے دوڑ میں سجیت باسو کا نام سب سے آگے ہے۔ ممتا بنرجی کی قربت کے علا وہ پارٹی کے بھروسہ مند رہنما ہیں۔
پارٹی مخالف سرگرمیوں میں حصہ لینے اور بی جے پی رہنما مکل رائے کے ساتھ بار بار میٹنگ کرنے کی وجہ سے پارٹی نے شبھاشاچی دتہ کو میئر کے عہدہ سے استعفیٰ دینے کو کہا تھا تاہم انہوں نے استعفیٰ نہیں دیا تو پارٹی نے ان کے خلاف عدم اعتماد کی تحریک پیش کردی۔
کلکتہ ہائی کورٹ میں تکنیکی طور پر کیس جیتنے کے بعد ترنمول کانگریس از سر نو ان کے خلاف عدم اعتماد تحریک پیش کرررہی تھی اس درمیان شبھاشاچی دتہ مستعفی ہوگئے۔جنوبی دمدم سے سجیت بوس ممبر اسمبلی ہیں اور ریاستی وزیر بھی ہیں۔
