مغر بی بنگال بی جے پی کے صدر اور رکن پارلیمان دلیپ گھوش کاکہنا ہے کہ مغر بی بنگال میں حکمراں جماعت ترنمول کانگریس کو چھوڑ کر لوگ بھاگ رہے ہیں۔
انہوں نے کہاکہ ہمیں ایسے لوگوں کو بھارتیہ جنتاپارٹی میں جگہ دینی چا ہیے جو بے داغ ہیں۔ لوگوں کو صاف ستھرے لوگوں کی ضرورت ہے ۔ بی جے پی میں بھی بدعنوان رہنماؤں کو اسی طرح شامل کیا جا تا رہا ہے توناراض ہوجائیں گے۔
رکن پارلیمان نے کہاکہ سوبھن چٹر جی کی بی جے پی میں شمولیت اچھی بات ہے مگر انہیں کلین چٹ نہیں دے سکتے ہیں۔ ان پر انگنت بعدعنوانی کیس کے الزامات ہیں۔
بی جے پی کے رہنما کے مطابق سوبھن چٹرجی اگر واقعی اتنے اہم ہوتے تو انہیں ترنمول کانگریس سے کیوں نکالا جا تا۔جس شخص کو ان کی پارٹی میں کوئی جگہ نہیں ملی انہیں عزت و احترام کے ساتھ اپنے ساتھ کسے رکھ سکتے ہیں۔
پریس کانفرنس کے دوران ریاستی بی جے پی کے صدر نے کہاکہ سوبھن چٹرجی کی وجہ سے بھارتیہ جنتاپارٹی کو مغربی بنگال میں نقصان ہو سکتا ہے۔ پارٹی کے اعلیٰ کمان اس سلسلے میں دس بار غوروفکر کرنے کی ضرورت ہے۔
