بنگال: مغربی بنگال مدرسہ بورڈ Bengal Madrasa Board نے آج ہائی مدرسہ،عالم اور فاضل کے فائنل امتحانات کے نتائج کا اعلان کیا۔مغربی بنگال مدرسہ بورڈ کے چئیرمین ابو طاہر قمرالدین نے نتائج کا اعلان کیا۔ گذشتہ 7 مارچ سے 21 تک 2022 کو ہائی مدرسہ ،عالم و فاضل کے امتحانات منعقد ہوئے تھے،40 دنوں کے درمیان ہی نتائج کا اعلان کر دیا گیا۔اس بار بھی ہائی مدرسہ کے امتحانات میں لڑکیوں کی کارکاردگی بہتر رہی۔ West Bengal High Madrasa Exam
ریاست بھر میں مالدہ ضلع کے باٹ تلہ ہائی مدرسہ کی شریفہ خاتون Shareefa Khatoon نے 800 میں 786 نمبر حاصل کرکے پوری ریاست میں اول مقام حاصل کیا ہے۔شریفہ خاتون کا تعلق مالدہ ضلع کے بھادو رتوا علاقے سے ہیں۔واضح رہے کہ مالدہ مغربی بنگال کا،سب سے زیادہ مسلم آبادی والا ضلع ہے اور یہاں غربت بھی زیادہ ہے یہاں کے مسلمان تعلیمی اور معاشی طور پر بہت پسماندہ ہیں۔
اس مرتبہ ہائی مدرسہ کے امتحان میں 56600 طلباء نے شرکت کی تھی۔جس میں لڑکیوں کی تعداد 38224 اور لڑکوں کی تعداد 18376 تھی۔امتحان میں کامیابی کی شرح 86.02 رہی جبکہ 2021 میں صد فی صد طلباء کامیاب ہوئے تھے۔
