مغربی بنگال کے وسطی کولکاتا میں اسٹرینڈ روڈ پر واقع ایک عمارت میں آگ لگنے کی وجہ سے نو افراد ہلاک ہو گئے ہیں۔
ریاست کے فائر سروسز کے وزیر نے کہا ہے 'آتشزدگی میں اب تک نو افراد ہلاک ہو گئے ہیں۔ ہلاک ہونے والوں میں زیادہ تر فائر فائٹرز ہیں اور ان کے علاوہ ایک سکیورٹی گارڈ بھی ہلاک ہوا ہے'۔
انہوں نے کہا کہ 'فائر فائٹرز آگ بجھانے کے دوران لفٹ میں پھنس گئے جس کی وجہ سے ان کی موت ہو گئی'۔
وہیں اس کے بعد وزیر اعلی ممتا بنرجی نے ڈائریکٹر جنرل فائر سروسز جاوید شمیم اور کولکاتا پولیس کمشنر سومین مترا کے ہمراہ حادثے کی جگہ کا دورہ کیا۔
ریاستی حکومت نے اعلان کیا ہے کہ آتشزدگی میں ہلاک ہونے والوں کے لواحقین کو 10-10 لاکھ روپے معاوضہ دیا جائے گا۔
یہ بھی پڑھیے
عالمی یوم خواتین: پارلیمنٹ، ریاستی قانون ساز اداروں میں خواتین ریزرویشن پر زور
جس عمارت میں آگ لگی ہے، وہاں ساوتھ ایسٹرن ریلوے کا دفتر تھا اور گراونڈ فلور پر ایک کمپیوٹرائزڈ ٹکٹ سینٹر بھی موجود تھا، آگ کی وجہ سے ریلوے ٹکٹ کی آن لائن بکنگ بھی متاثرہوئی ہے۔
