ملک کی دوسری ریاستوں کی طرح مغربی بنگال میں بھی مہینوں بعد تعلیمی اداروں کی سرگرمیاں ایک بار پھر شروع ہوگئی ہیں۔ اساتذہ اور طالبات کو گائڈ لائن پر سختی سے عمل کرنے کی ہدایت دی گئی ہے۔ ریاست میں کورونا وائرس کی لہر کی رفتار پر مکمل طور قابو پانے کے بعد حالات میں تیزی سے بہتری آئی ہے۔ اس کے مدنظر ریاستی حکومت نے تعلیمی اداروں کو دوبارہ کھولنے کا فیصلہ کیا ہے۔
حکومت کی جانب سے نئی گائڈ لائن بھی جاری کئی گئی ہے۔ اس کے تحت اساتذہ اور طالبات کو احتیاطی تدابیر پر سختی سے عمل کرنے کی ہدایت دی گئی ہے۔
نئے گائیڈ لائن کے تحت فی الحال نویں اور دسویں جماعت کے طلباء ہی اسکول آ سکتے ہیں۔ غورطلب ہے کہ رواں سال کے مئی کے پہلے ہفتے میں کورونا وائرس کی دوسری لہر کے مدنظر ریاست میں تعلیمی سرگرمیاں معطل کر دی گئی تھی۔
یہ بھی پڑھیں:
واضح رہے کہ مغربی بنگال حکومت کی جانب سے 15 نومبر سے ریاست بھر میں اسکولوں اور اداروں میں تعلیمی سرگرمیوں کی دوبارہ بحالی کے لئے تمام تر تیاریاں زور و شور سے جاری ہے۔ ریاستی حکومت کی جانب سے نوٹیفکیشن جاری ہونے کے بعد اسکولز وغیرہ میں صاف صفائی کا کام شروع کردیا گیا ہے۔
