کولکاتا: مغربی بنگال میں گائے کی اسمگلنگ کیس میں گرفتار انوبرتا منڈل نے سپریم کورٹ میں ضمانت کی عرضی دائر کی تھی۔ تاہم انہیں یہاں سے بھی راحت نہیں ملی ہے۔ بیر بھوم کے ترنمول کانگریس کے ضلع صدر کو پوجا کے دوران جیل میں رہنا پڑے گا۔ کیس کی اگلی سماعت چار ہفتے بعد ہوگی۔ ترنمول لیڈر انوبرتا منڈل شروع میں آسنسول جیل میں تھے لیکن اب وہ دہلی کی تہاڑ جیل میں ہیں۔
ستمبر میں انوبرتا منڈل کے چارٹرڈ اکاؤنٹنٹ منیش کوٹھاری کو ضمانت مل گئی تھی۔ اس کے بعد امید کی جارہی تھی کہ انوبرتا منڈل کو بھی ضمانت مل جائے گی۔ منیش کوٹھاری نے گرفتاری کے بعد کہا کہ میں نے کچھ نہیں کیا۔ میں نے کچھ غلط نہیں کیا۔ میری غلطی صرف یہ ہے کہ میں چارٹرڈ اکاؤنٹنٹ ہوں۔ بول پور کے رہنے والے منیش کوٹھاری 2013-14 سے بیربھوم ترنمول کانگریس کے ضلع صدر انوبرت منڈل کے قریب تھے۔ الزام ہے کہ اس کے بعد ہی ان کی دولت میں اضافہ ہوا ہے۔ ای ڈی ذرائع کے مطابق منیش نے گائے کی اسمگلنگ کے کالے دھن کو لانڈرنگ کرنے میں سرگرم رول ادا کیا۔
اس دوران انوبرتا منڈل نے ضمانت کے لیے سپریم کورٹ میں درخواست دی۔ لیکن سی بی آئی نے ان کی ضمانت کی درخواست کی مخالفت کی۔ اس تناظر میں، سی بی آئی کے وکیل ایس وی راجو نے عدالت سے کہاکہ انوبرتا منڈل بااثرہیں اگر وہ جیل سے باہر آئے تو وہ جو چاہیں کریں گے، اس سے تحقیقات کی پیش رفت کو نقصان پہنچے گا۔ جسٹس انیرودھا باسو اور بیلا ایم ترویدی نے حکم دیا کہ کیس کی اگلی سماعت چار ہفتے بعد ہوگی۔
یہ بھی پڑھیں: Cal HC On Kuntal Ghosh Case کنتل گھوش کے سی بی آئی کے الزامات پر سگنل بنچ کو دوبارہ سماعت کرنے کی ہدایت
قبل ازیں انوبرتا منڈل نے کلکتہ ہائی کورٹ میں ضمانت کی درخواست دی تھی۔ وہ درخواست مسترد کر دی گئی۔ انوبرتا منڈل نے اس حکم کو سپریم کورٹ میں چیلنج کیا۔ لیکن انہیں راحت نہیں ملی۔انوبرتا کی بیٹی سوکنیا منڈل کی ضمانت بھی مسترد کر دی گئی ہے۔
