بنگال میں سڑک حادثہ ،چار پولیس اہلکار ہلاک

مغربی بنگال کے ضلع بردوان میں قومی شاہراہ -2 پر آج صبح ایک ٹرک نے پولیس اہلکاروں کی وین کو زبردست ٹکر مار دی جس سے چار پولیس اہلکاروں کی موقع پر ہی موت ہو گئی۔

پولیس نے بتایا کہ ڈیوٹی سے واپس آ رہے چار پولیس اہلکاروں کی سڑک حادثے میں موت ہوگئی۔ انہوں نے بتایا کہ پولیس اہلکار کالی پوجا کی ڈیوٹی سے واپس جا رہے تھے کہ راستے میں ریت سے لدے ایک ٹرک نے ٹکر مار دی۔حادثے میں پولیس کانسٹیبل بادل سرکار ، انوپ کمار بالا، پربير کمار هاتی اوروشوجت سموئی کی موت ہو گئی۔

انہوں نے بتایا کہ حادثے کے بعد تمام پولیس اہلکاروں کو بردوان میڈیکل کالج اور ہسپتال لے جایا گیا جہاں ڈاکٹروں نے انہیں مردہ قرار دیا۔ یہ حادثہ ضلع میماری میں پیش آیا۔