کولکاتا: بی جے پی کی معطل ترجمان نوپور شرما کے پیغمبر اسلامﷺ کے بارے میں متنازع بیان کے خلاف بنگال میں احتجاج رکنے کا نام نہیں لے رہا ہے۔ دو دن کے دوران ہوئے احتجاجی مظاہرہ کے بعد اتوار کی شام کو ندیا ضلع کے بیتھواڈاہری اسٹیشن پر ایک گروپ کے لوگوں نے ہنگامہ کیا۔ اس دوران مظاہرین نے اچانک اسٹیشن پہنچ کر لوکل ٹرین کو روک دیا Protesters block a local train in a river in West Bengal۔
بتایا جاتا ہے کہ اس کی وجہ سے ریلوے املاک کو بھاری نقصان پہنچا ہے۔ ساتھ ہی اس واقعہ کی وجہ سے رانا گھاٹ-لالگولا ریل لائن پر ٹرین سروس بھی تقریباً دو گھنٹے تک متاثر رہی۔ اس کی اطلاع ملتے ہی جی آر پی، آر پی ایف اور پولیس بھاری فورس کے ساتھ موقع پر پہنچ گئی۔ تب تک مظاہرین موقع سے فرار ہو چکے تھے۔
مزید پڑھیں:
- Prophet Remark Row: مغربی بنگال میں پُرتشدد احتجاج کے بعد مختلف مکتبہ فکر کے علماء کی اپیل
- Protests over Prophet Remark: پیرزادہ عباس صدیقی نے ہاوڑہ میں پرتشدد واقعات کی مذمت کی
معلوم ہوکہ نوپور شرما کے بیان پر جمعہ کو ملک بھر میں احتجاج ہوا تھا۔ ہاوڑہ میں بھیڑ کے ذریعہ پتھراؤ کا واقعہ پیش آیا، جس کے بعد انتظامیہ کی جانب سے انٹرنیٹ کو کچھ دیر کے لیے بند کر دیا گیا۔ اس سلسلے میں، بنگال میں حزب اختلاف کے رہنما، شوبھندو ادھیکاری کو پولس نے اتوار کو ہاوڑہ جانے سے روک دیا۔
