ریاست مغربی بنگال کے مختلف اضلاع میں ریلوے انتظامیہ کے خلاف احتجاج کا سلسلہ جاری ہے، مختلف مقامات پر ناکہ بندی کی بھی اطلاع موصول ہوئی ہے۔
ہوڑہ اسٹیشن پر عام مسافرین اور ریلوے پولیس کے درمیان اسپیشل اسٹاف ٹرین میں سوار ہونے کو لے کر جھڑپ ہوئی ہے.
گزشتہ سنچیر کی طرح آج شام بھی عام مسافر اسپیشل اسٹاف ٹرین میں سوار ہونے کے لئے اسٹیشن پر پہنچے.
ریلوے پولیس اور مسافروں کے درمیان جھڑپ ہوئی لیکن جلد ہی حالات پر قابو پا لیا گیا۔
مسافرین کا کہنا ہے کہ ریلوے کا ریلوے ملازمین کے لئے اسپیشل اسٹاف ٹرین چلانے کا فیصلہ عام لوگوں کے ساتھ امتیازی سلوک ہے۔
انہوں نے مزید کہا کہ ٹرین سب کے لئے ہوتی ہے لیکن ریلوے نے صرف سرکاری ملازمین تک محدود کر دیا ہے.
دوسری جانب بیدیاباٹی, گھشی پاڑہ علاقے میں عام لوگوں نے ریل خدمات بحال کرنے کا مطالبہ کرتے ہوئے ناکہ بندی کر دی۔
واضح رہے کہ گزشتہ سنیچر کو اسیشپل اسٹاف ٹرین پر سوار ہونے کو لے کر مسافرین اور ریلوے پولیس کے درمیان جھڑپ ہوئی تھی ۔
