کل ریاست کے 9حلقوں بشیر ہاٹ، باراسات، دمدم، شمالی کلکتہ، حنوبی کلکتہ، جادو پور، ڈائمنڈ ہاربر، جے نگر اور متھورا پور میں کمیشن نے پولنگ کی تمام تیاریاں مکمل کرلی ہیں۔
حلقوں میں کل 1, 49, 63, 143ووٹر 111امیدوار کی قسمت کا فیصلہ کریں گے۔کل 710کمپنیوں کو تعینات کیا گیا ہے۔اس مرتبہ پہلی مرتبہ اسپیشل آبزرور، اسپیشل پولس آبزرور کو تعینات کیا گیا تھا۔اس کے علا وہ تمام پولنگ بوتھوں پر وی وی پی اے ٹی مشین کو استعمال کیا جائے گا۔اسپیشل آبزرور اجے وی نائک نے کہا کہ لا اینڈ آرڈر کو سنبھالنے کیلئے 450سریع الحرکت فورسیس کو تیار رکھا گیا ہے۔انہوں نے کہا کہ تمام بوتھوں پر مرکزی فورسیس کے جوان تعینات رہیں گے۔مقامی پولس کی مدد سے لااینڈ آرڈر کو سنبھالا جائے گا۔
نائیک نے اسپیشل پولس آبزرور کے ساتھ پولنگ کی تیاریوں کا جائز ہ لیا، اضلاع کے آبزرور اور دیگر افسران کے ساتھ ملاقات کی۔اس مرحلے میں کئی مشہور لیڈروں کی قسمت کا فیصلہ ہونا ہے۔ان میں سابق مرکزی وزیر سوگاتا رائے، سدیپ بندو پادھیائے، بنگالی اداکارہ نصرت جہاں، میمی چکرورتی، مشہور وکیل بکاش رنجن بھٹاچاریہ، ایڈوکیٹ سید شاہد ؎امام، بی جے پی کے جنرل سیکریٹری راہل سنہا، نیتاجی سبھاش چندر بوس کے خاندان کے فرد چندر کمار بوس اور سابق اسپیکر ہاشم عبدالحلیم کے فرزند ڈاکٹر فواد حلیم اور ممتا بنرجی کے بھتیجے ابھیشیک بنرجی شامل ہیں۔
آخری مرحلے کی پولنگ کیلئے الیکشن کمیشن نے خصوصی انتظامات کیے ہیں۔تمام سنٹروں پر 5ای وی ایم مشین کو ریزرو میں رکھا گیا ہے
دمدم لوک سبھا حلقے میں کل بارہ امیدوار میدان میں ہیں،چاروں بڑی پارٹیوں نے یہاں امیداوراتارے ہیں۔ترنمول ؎کانگریس کے موجودہ ممبرپارلیمنٹ سوگاتارائے امیدوار ہیں۔یہاں کل1564953ووٹرس ہیں۔یہ سیٹ 2009سے ہی ترنمول کانگریس کے پاس ہے۔1998اور 1999میں بی جے پی کے تپن سکدر کامیاب ہوئے تھے۔
باراسات سے ترنمول کانگریس کے مموجودہ ممبرپارلیمنٹ کالوکی گھوش دستیدار کو امیدوار بنایا ہے۔ان کا مقابلہ بی ج ے پی کے ڈاکٹر مرنال کانتی دیب ناتھ،فارڈر باک کے ہری پاڑابسواس اور کانگریس کے سبرتا دتہ امیدوار میدان میں ہیں۔یہاں کل17لاکھ ووٹر س ہیں۔2014میں گھوش نے بڑی فرق سے جیت حاصل کی تھی۔
بشیرہاٹ مسلم اکثریتی حلقہ سے ترنمول کانگریس نے موجودہ ممبر پارلیمنٹ ادریس علی کو ٹکٹ دینے کے بجائے بنگلہ اداکارہ نصرت جہاں کو امیدوار بنایا ہے۔جب کہ بی جے پی کے جنرل سیکریٹری سیانتن باسو، سی بی آئی ے پلب سین گپتا اور کانگریس نے قاضی عبد الرحیم کو امیدوار بنایا ہے۔بی جے پی کو یقین ہے کہ مسلم ووٹ کی تقسیم ہوگی او ر اس کا فائدہ بی جے پی کو ملے گا۔یہاں کل 16, 76, 682ووٹرز ہیں۔
جے نگر میں چہار رخی مقابلہ کانگریس، ترنمول کانگریس، بی جے پی اور آر ایس پی نے امیدوار اتارے ہیں۔مگر یہاں اصل لڑائی ترنمول کانگریس اور آر ایس پی کے درمیان اصل مقابلہ ہے۔یہ حلقہ شیڈول کاسٹ کیلئے ریزرو ہے۔
کل ساتھ اسمبلی حلقوں پر مشتمل ہے۔ترنمول کانگریس کے ٹکٹ پر موجود ہ ممبر پارلیمنٹ پراتیما منڈل میدان میں ہیں۔آر ایس پی نے سبھاش نسکر، بی جے پی نے اشوک کاندری اور کانگریس نے تپن منڈل کو میدان میں اتارا ہے۔2014میں پریتمامنڈل نے شبھاش نسکر کو شکست دے کر یہ سیٹ حاصل کی تھی۔1980سے2014تک یہ سیٹ بایاں محاذ کے قبضے میں تھی۔یہاں کل 16, 47, 761ووٹرس ہیں۔
متھوڑا پور میں چاروں بڑی پارٹیوں نے امیداور اتارے ہیں مگر اصل مقابلہ ترنمول کانگریس اورسی پی ایم کے درمیان ہے۔ترنمول کانگریس نے چودھری موہن جاٹوا کو تیسری مرتبہ میدان میں اتارا ہے۔
انہوں نے پہلی مرتبہ 2009میں جیت حاصل کی تھی۔انہوں نے 130,000ووٹں سے سی پی ایم کو شکست دیا تھا۔جاٹوا تیسری مرتبہ بھی جیت حاصل کرنے کیلئے پریقین ہیں،ان کامقابلہ کانگریس کے کرتی باس سردار، سی پی ایم کے سرت چندر ا ہلدار اور بی جے پی کے شیاما پرساد ہلدار سے مقابلہ ہے۔جنوبی 24پرگنہ میں واقع اس حلقے میں کل16, 51, 087 ووٹرس ہیں۔
ڈائمنڈ ہاربر سے ممتا بنرجی کے بھتیجے ابھیشیک بنرجی دوسری مرتبہ میدان میں ہیں،سی پی ایم نے یہاں سے ڈاکٹر فواد حلیم کو میدان میں اتارا ہے۔بنرجی جہاں ممتابنرجی کی وجہ سے مشہور ہیں وہیں ڈاکٹر فواد حلیم اپنے والد و سابق اسپیکر ہاشم عبدالحلیم کی وجہ سے مشہور ہیں اور خود بھی وہ سی پی ایم کے ابھرتے لیڈر ہیں۔یہ سیٹ سی پی ایم کے پاس 19967سے 2009تک تھی۔2009میں ترنمول کانگریس کے سومن مترانے جیت حاصل کی تھی اور 2014میں ابھیشیک بنرجی نے جیت حاصل کی۔ابھیشیک بنرجی نے سی پی ایم کے ابوالحسانات کو 71000ووٹوں سے ہرایا تھا۔
اس مرتبہ بی جے پی کے نی لنجن رائے اور کانگریس کے سومیا اچے رائے میدان میں ہیں۔یہاں کل17, 18, 441 امیدوار میدان میں ہیں۔
جادو پور میں اس مرتبہ سہ رخی مقابلہ ہے۔ کانگریس نے سی پی ایم کی حمایت کا اعلان کیا ہے۔ترنمول کانگریس کے پاس یہ سیٹ 2009سے ہی مگر تینوں مرتبہ اسے امیدوار تبدیل کرنا پڑا ہے۔2009میں کبیر سومن نے جیت حاصل کی تھی۔2014میں سوگاتا بوس نے اور اس مرتبہ پارٹی نے بنگلہ ادکارہ میمی چکرورتی کو میدان میں اتارا ہے۔سی پی ایم نے مشہو ر وکیل اورکلکتہ کارپوریشن کے سابق میئر بکاش رنجن بھٹاچاریہ کو میدان میں اتارا ہے۔یہ حلقہ ہمیشہ سے بہت ہی اہم رہا ہے یہاں سے سابق لوک سبھا اسپیکر سومناتھ چٹرجی، ممتا بنرجی، کرشنا بوس جیسی شخصیات اس حلقے کی نمائندگی کرچکی ہیں۔
ممتا بنرجی نے 1984میں سومناتھ چٹرجی کو شکست دے کر سب کو حیران کردیا تھا۔بی جے پی نے یہاں سے انوپم ہزارا کو امیدوار بنایا ہے وہ اس حلقے میں نئے ہیں۔ یہاں کل 18, 16, 098وٹ ہیں۔
شمالی کلکتہ میں ترنمول کانگریس نے موجودہ ممبرپارلیمنٹ سدیپ بندو پادھیائے کو میدان میں اتارا ہے۔جب کہ کانگریس نے سید شاہد امام، بی جے پی نے راہل سنہا اور سی پی ایم نے کونیکابوس کو امیدوار بنایا ہے۔یہاں کل 14, 43, 817. ووٹرس ہیں۔
جنوبی کلکتہ سے ترنمول کانگریس نے موجودہ ممبرپارلیمنٹ کو ٹکٹ دینے کے بجائے کارپوریشن کی چیرپرسن مالا رائے کو امیدوار بنایا ہے۔جب کہ بی جے پی نے بوس خاندان کے چشم و چراغ چندر ا بوس، سی پی ایم پروفیسرنندی مکھرجی اور کانگریس نے امیتا چکرورتی کو میدان میں اتارا ہے
