پرائیوٹ بسوں کی خدمات کی بحالی کے بعد کورونا گائیڈ لائن کی دھجیاں اڑی

ریاست میں دو مہینوں کے بعد پرائیوٹ بسوں کی خدمات کی دوبارہ بحالی کے بعد مسافروں کو کورونا گائیڈ لائن کی خلاف ورزی کرتے ہوئے پایا گیا۔

مغربی بنگال میں کورونا وائرس کی دوسری لہر پر قابو پانے کے باوجود لاک ڈاؤن میں 15 جولائی تک توسیع کرنے کا فیصلہ کیا گیا ہے۔ تاہم لاک ڈاؤن میں نرمی کا فیصلہ کرتے ہوئے عام لوگوں کو کئی معاملات میں راحت دینے کا اعلان کیا گیا ہے۔ ان میں پرائیوٹ بسوں کی خدمات کی دوبارہ بحالی بھی شامل ہے۔

حکومت کی جانب ریاست میں دو مہینوں کے بعد پرائیوٹ بسوں کی خدمات کی دوبارہ بحالی کے بعد مسافروں کو کورونا گائیڈ لائن کی خلاف ورزی کرتے ہوئے پائے گئے۔'ریاستی حکومت کی جانب سے پرائیوٹ بسوں کی خدمات کی دوبارہ بحالی کے نوٹیفکیشن جاری کرنے کے باوجود سڑکوں پر بہت ہی کم بسیں نظر آئی۔کولکاتا اور اس کے اطراف کے اضلاع شمالی 24 پرگنہ، جنوبی 24 پرگنہ اور ہوڑہ میں بس اسٹاپ پر لوگوں کی بڑی بھیڑ دیکھی گئی۔ بسوں کی تعداد کم ہونے کی وجہ سے عام لوگوں کو جس بس میں سوار ہونے کا موقع ملا اس پر زبردستی سوار ہو گئے۔ کہیں لوگوں کو کورونا گائیڈ لائن پر سختی سے عمل کرتے ہوئے دیکھے گئے تو کہیں مسافر اس کی خلاف ورزی کرتے ہوئے پائے گئے۔

ای ٹی وی بھارت کے نمائندہ جب ایک سرکاری بس پر سوار ہوکر حالات کا جائزہ لیا تو پتہ چلا کہ مسافر اور بس ملازمین دونوں کو کورونا گائیڈ لائن کی کوئی پرواہ نہیں ہے۔'

مغربی بنگال حکومت کی جانب سے پرائیوٹ اور سرکاری بسوں میں پچاس فیصد مسافروں کے ساتھ بسیں چلانے کا نوٹیفکیشن جاری کیا گیا ہے، لیکن سچائی اس کے برعکس ہے۔ گنجائش سے زیادہ مسافروں کو بسوں میں اٹھایا جا رہا ہے۔'

واضح رہے کہ ریاستی حکومت نے کورونا وائرس کی دوسری لہر پر قابو پانے کے لیے گزشتہ 15 مئی کو نجی بس کی خدمات اگلے ایڈوائزر ی تک کے لیے معطل کر دی تھی جو یکم جولائی تک جاری رہے گی۔

ریاستی حکومت نے کورونا وائرس کی تیسری لہر کے مدنظر لاک ڈاؤن میں 15 جولائی تک توسیع کرنے کا اعلان کیا ہے۔ لاک ڈاون میں نرمی برتے ہوئے دو مہینے کے بعد کورونا گائیڈ لائن کے تحت پرائیوٹ بس خدمات دوبارہ بحال کی گئی ہے۔ آئندہ 15 جولائی تک لوکل ٹرین کی خدمات بدستور معطل رہے گی۔