مغربی بنگال کی وزیر اعلی ممتا بنرجی کے گھر کے سامنے آج پیرا ٹیچرز کے ایک جماعت نے احتجاج کیا۔
اطلاعات کے مطابق پیرا ٹیچرز کی ایک جماعت نے گذشتہ نو برسوں کے بقایا جات کی ادائیگی کی لئے وزیر اعلی ممتا بنرجی کے گھر کے سامنے نالے میں کھڑے ہوکر احتجاج کیا۔
اس دوران پیرا ٹیچرز کا کہنا تھا کہ ان کے تمام مطالبات پر پانی پھر گیا ہے، اس لئے وہ پانی میں کھڑے ہوکر احتجاج کر رہے ہیں۔ حالانکہ معاملے کی اطلاع پر پہنچی پولیس نے بہت کوششوں کے بعد احتجاجیوں کو نالے سے باہر نکالا۔
اس سلسلے میں پردیش کانگریس کے صدر ادھیر چودھری نے کہا کہ پیرا ٹیچرز نے احتجاج کے لیے جو راستہ اپنایا ہے وہ بلکل صحیح ہے، میں ان لوگوں کی حمایت کرتا ہوں۔
مزید پڑھیں:
کولکاتا: پولیس کو زدوکوب کرنے کے معاملہ میں ایف آئی آر درج
انہوں نے کہا کہ بنگال میں روزگار مانگنے پر پولس کی مار ملتی ہے۔ یہی وجہ ہے کہ روزگار مانگنے والے نوجوان ان کے گھر کے سامنے احتجاج کر رہے ہیں۔ بنگال میں اپنے حق مانگنے پر جھوٹے معاملے میں پھنسایا جاتا ہے۔ ہم ایسی ریاست میں جی رہے ہیں جہاں انسانی جان کی کوئی قیمت نہیں ہے۔
