مغربی بنگال کے شمالی 24 پرگنہ کے کھردہ تھانے کی پولیس نے پانی ہٹی میونسپلٹی کے ہیلتھ آفیسر کو رشوت لے کر کورونا ویکسن دینے کے الزام میں گرفتار کرلیا ہے۔ اس واقعے کے منظر عام پر آنے کے بعد ریاستی محکمہ صحت نے پورے معاملے کی جانچ کے لیے کمیٹی تشکیل دینے کا اعلان کیا ہے۔
ذرائع کے مطابق شمالی 24 پرگنہ کے پانی ہٹی میونسپلٹی کے چیف ہیلتھ آفیسر بیپلپ ہلدار پر مدھم گرام کے رہنے والے آٹو رکشہ کے ڈرائیور اور ان کی بیوی کو تین سو روپے لے کر کورونا ویکسن دینے کا الزام ہے۔
اس واقعے کے منظر عام پر آنے کے بعد شمالی 24 پرگنہ ضلع مجسٹریٹ اور ریاستی محکمہ صحت نے پورے معاملے کی جانچ کے لیے کمیٹی تشکیل دینے کا اعلان کیا ہے۔
ضلع مجسٹریٹ کا کہنا ہے کہ پیسہ لے کر کورونا ویکسن دینا ایک سنگین جرم ہے۔ اس معاملے میں ملوث افراد کے خلاف سخت کارروائی کی جائے گی'۔
