اس احتجاجی ریلی کے دوران بینر پر متاثرہ کا نام لکھا ہوا تھا، جس پر اپوزیشن پارٹیوں نے جم کر تنقید کی۔
مغربی بنگال کے اپوزیشن رہنما عبدالمنان نے کہا کہ اسمبلی انتخابات قریب ہے۔ حکمراں جماعت ترنمول کانگریس کے رہنما دباؤ میں آکر اپنا دماغی توازن کھو رہے ہیں۔
انہوں نے کہا کہ نیو جلپائی گوڑی میں وزیر گوتم دیب کی نگرانی میں ہاتھرس واقعہ کے خلاف ریلی کی قیادت کر رہے ہیں۔ احتجاجی ریلی اچھی بات ہے لیکن اس کا غلط استعمال درست نہیں ہے۔
اپوزیشن رہنما کا کہنا ہے کہ ریلی کے دوران بینر پر متاثرہ کانام اور پتہ لکھا ہوا تھا جو اخلاقی طور پر بالکل غلط ہے۔
عبدالمنان کا کہنا ہے کہ حکمراں جماعت ترنمول کانگریس کے رہنما دباؤ میں آکر غلط اورصحیح کا فیصلہ نہیں کر پا رہے ہیں۔
دوسری جانب سی پی ایم کے سنئیر رہنما سوجن چکرورتی نے ترنمول کانگریس پر تنقید کرتے ہوئے کہا کہ متاثرہ کا نام استعمال کرنا قانونی جرم ہے۔
انہوں نے کہا کہ 2018 میں سپریم کورٹ نے اپنی ایک ہدایت میں کہا تھا کہ آبروریزی معاملے میں مظلومہ کے نام استعمال کرنا جرم ہوا۔
سی پی آئی ایم کے رہنما نے کہا کہ اس کے باوجود ترممول کانگریس ریلی کے دوران اسی غلطی کی۔
واضح رہے کہ نیو جلپائی گوڑی میں گوتم دیب کی نگرانی میں ہاتھرس واقعہ کے خلاف احتجاجی ریلی کا اہتمام کیا گیا تھا۔
اس احتجاجی ریلی میں ریاستی وزیر کے علاوہ کئی رہنما بھی موجود تھے۔
