ریاست مغربی بنگال کے ضلع سلی گوڑی میں بھارتیہ جنتا پارٹی یووا مورچہ کی جانب سے نکالے گئے اترا کننیہ مارچ کے دوران پولیس نےمظاہرین پر واٹر کیننن اور آنسو گیس کے گولے داغے۔ جس میں ایک نوجوان کی موت ہوگئی جبکہ متعدد افراد زخمی ہوگئے۔
وہیں اس واقعہ پر بھارتیہ جنتا پارٹی کے سینئر رہنما کیلاش وجے ورگیہ نے ریاستی حکومت پر شدید نکتہ چینی کرتے ہوئے صدر جمہوریہ سے بنگال میں صدر راج نافذ کرنے کا مطالبہ کیا ہے۔
مزید پڑھیں:
کسانوں کے دہلی کوچ سے ٹریفک نظام درہم برہم
انہوں نے اپنے مطالبے میں کہا کہ' بنگال میں امن و امان جیسی کوئی چیز نہیں رہ گئی ہے اس لیے اس معاملے پر فورا کارروائی ہونی چاہئے'۔
واضح رہے کہ آئندہ سال ریاست میں اسمبلی انتخابات ہونے ہیں جس کے لیے بی جے پی اور ترنمول کانگریس کے رہنماؤں میں بیان بازی کا سلسلہ شدومد سے ہی جاری ہے۔
