کولکاتا: مغربی بنگال میں چند دنوں کے اندر پنچایت انتخابات 2023 کی تاریخ کا اعلان متوقع ہے۔پنچایت انتخابات کے مدنظر تمام سیاسی جماعتوں نے ووٹرز کو اپنی پنی طرف راغب کرنے کی کوشش تیز کردی ہیں۔اسی درمیان سی پی آئی ایم نے پنچایت انتخابات میں ریاستی سطح پر کسی کے ساتھ اتحاد کرنے سے انکار کردیا ہے۔ محمد سلیم نے کہاکہ ریاست میں مغربی بنگال میں تمام سیکولر پسند ڈیموکریٹک گروپس بی جے پی، ترنمول اپوزیشن کے خلاف ہیں۔وہ ٹی ایم سی اور بی جے پی کو شکست دے سکتی ہیں تو پھر اتحاد کرنے کی کیا ضرورت ہے۔پنچایت انتخابات میں جو جہاں مضبوط ہے وہ وہاں علاقائی سطح پر اتحاد کر سکتا ہے۔
انہوں نے کہاکہ ہم سبھوں کا ٹی ایم سی اور بی جے پی کے درمیان خفیہ اتحاد کو ختم کرنا ہے۔ اس کے لئے ہمیں زمینی سطح پر متحد ہونے کی ضرورت ہے۔اس کے لئے کسی کے ساتھ اتحاد کرنے کی ضرورت نہیں ہے۔ غورطلب ہے کہ ریاست میں لگاتار کئی کوآپریٹو انتخابات میں تمام سیاسی پارٹیاں ترنمول کے خلاف متحد ہو چکی ہیں۔ اب بھی بنگال بی جے پی کے کئی لیڈر ترنمول کے خلاف تمام سیاسی اتحاد کی بات کر رہے ہیں۔
یہ بھی پڑھیں:CPIM Preparation For Panchayat Election پنچایت انتخابات کےلئے سی پی آئی ایم کی تیاریاں جاری
اس تناظر میں سی پی ایم کا واضح بیان یہ ہے کہ لفٹ فرنٹ ہمیشہ بی جے پی کے خلاف رہی ہے۔ سی پی ایم کبھی بھی ترنمول اور بی جے پی کو ایک سکے کے دو پہلو مانتی ہے۔ اس لئے محمد سلیم بی جے پی لیڈروں کے مطالبات ماننے کے لئے تیار نہیں ہیں۔
