کولکاتا: مغربی بنگال کے دارالحکومت کولکاتا کے بالی گنج اسمبلی میں ضمنی انتخابات جیتنے کے چوبیس گھنٹہ بھی نہیں گزرا ہے کہ بی جے پی کو چھوڑ کر ترنمول کانگریس کے نومنتخب رکن اسمبلی بابل سپریو کی جانب سے بیان بازی کا سلسلہ شروع ہو چکا ہے. مسلم اکثریتی پارلیمانی حلقہ آسنسول سے بابل سپریو جب بی جے پی کے رکن پارلیمان اور مرکزی وزیر تھے تبھی اپنے مخالفین ہدف تنقید بنایا کرتے تھے اور اس مرتبہ بھی انہوں نے پرانے سلسلے کو جاری رکھا ہے. Babul Supriyo Targeted Saira Shah Halim
بی جے پی کے سابق رکن پارلیمان اور ترنمول کانگریس کے نومنتخب رکن اسمبلی بابل سپریو نے اپنے ٹوئٹ میں لکھا ہے کہ ترنمول کانگریس کی جیت کا مطلب سائرہ شاہ حلیم کو عوام نے نکار کر دیا ہے. لیکن وہ شکست تسلیم کرنے کو تیار نہیں ہیں. اس سے یہ ثابت ہوتا ہے کہ وہ مغرور خاتون ہیں. انہوں نے کہا کہ سی پی آئی ایم کی امیدوار سائرہ شاہ حلیم نے انہیں بدعنوان کہا تھا لیکن وہ کیا ہیں یہ سب کو معلوم ہے. وہ اسی زبان استعمال کر رہیں ہیں جو ان کی پارٹی کا روایت ہے.
یہ بھی پڑھیں:
نومنتخب رکن اسمبلی بابل سپریو کے مطابق وہ اپنی جیت اور عوام کی رائے پر جیت کا جشن منا رہے ہیں اور یہ سلسلہ برسوں تک جاری رہے گا. لیکن سی پی آئی ایم اپنی شکست کا ماتم منا رہی ہے. واضح رہے کہ بالی گنج ضمنی انتخابات میں ترنمول کانگریس کو بابل سپریو بیس ہزار ووٹوں سے کامیابی ملی ہے لیکن سی پی آئی ایم نے بی جے پی اور کانگریس کو پیچھے چھوڑتے ہوئے دوسری پوزیشن حاصل کی. سی پی آئی ایم کے ووٹ مارجین بھی ڈیڑھ فیصد سے بڑھ کر 30.71 فیصد تک پہنچا ہے جسے سیاسی تجزیہ نگار بڑی کامیابی قرار دے رہے ہیں.
