کولکاتا:مغربی بنگال کے نومنتخب گورنر سی وی آنند بوس نے گورنر کے عہدہ تقرری ہونے کے بعد کہا ہے کہ وہ آئین کے دائرے میں رہ کر کام کریں گے اور ایک منتخب حکومت کے ساتھ بہتر تعلقات قائم رکھیں گے۔Newly Appointed West Bengal Governor CV Anand Bose Hopeful To Fulfill His Duty
ذرائع کے مطابق سی وی آنند بوس کے والد آزادی پسند تھے۔ نیتا جی سبھاش چندر بوس کی تحریک سے متاثر ہوکر انہوں نے اپنے بیٹے کے نام کے آخر میں بوس رکھا ہے۔بی جے پی لیڈر اور اپوزیشن لیڈر شوبھندوادھیکاری نے حال ہی میں صدر دروپدی مرمو کے بارے میں ترنمول لیڈر اور ریاستی وزیر اکھل گیری کے تبصروں کے بعد ریاست کے کارگزار گورنر لا گنیشن کے کردار پر سوال اٹھایا تھا۔ اس کے بعد ہی مستقل گورنر کی تقرری ہوئی ہے۔
وزیر اعظم نریندر مودی کے سی وی آنند بوس کے ساتھ اچھے تعلقات رہے ہیں۔بدھ کی رات راشٹرپتی بھون سے ریاست کے نئے مستقل گورنر کے نام کا اعلان کیا گیا۔ بیان میں کہا گیاکہ سی وی آنند بوس کو مغربی بنگال کا مستقل گورنر مقرر کیا گیا ہے۔ یہ حکم اس دن سے نافذ العمل ہو جائے گا جس دن وہ چارج سنبھالیں گے۔
مزید پڑھیں:New Governor of West Bengal ڈاکٹر آنند بوس مغربی بنگال کے نئے گورنر مقرر
بوس سابق آئی اے ایس افسر ہیں اور حال ہی میں میگھالیہ حکومت کے مشیر کے طور پر خدمات انجام دے چکے ہیں۔ 2 جنوری 1951 میں وہ کیرالہ کے کوٹائم میں پیدا ہوئے۔ سابق گورنر جگدیپ دھنکھر کے نائب صدر بننے کے بعد لا گنیش نے مغربی بنگال کے عبوری گورنر کا عہدہ سنبھالا۔ ان کے بارے میں بی جے پی میں عدم اطمینان تھا۔ حال ہی میں بی جے پی کے سرکردہ لیڈر شوبھندو ادھیکاری نے بھی گنیشن کے خلاف شکایت کی تھی۔ دوسری طرف، گنیشن نے گزشتہ چند دنوں میں ریاست کی وزیر اعلیٰ ممتا بنرجی کے ساتھ اچھے تعلقات استوار کیے ہیں۔ وہ کالی پوجا پر ممتا کے گھر گئے تھے۔Newly Appointed West Bengal Governor CV Anand Bose Hopeful To Fulfill His Duty
