مغربی بنگال کے شمالی 24 پرگنہ کے شیام نگر کے انوپورنا گراؤنڈ میں ترنمول کانگریس کی تنطیمی ڈھانچے کو مضبوط کرنے کے ارادے سے جلسہ کا انعقاد کیا گیا جس میں پارٹی کے قومی جنرل سیکرٹری ابھیشک نے مہمان خصوصی کی حیثیت سے شرکت کی۔ جلسئہ سے خطاب کرتے ہوئے شمالی 24 پرگنہ کے بشیر ہاٹ سے ترنمول کانگریس کی رکن پارلیمان نصرت جہاں نے مغربی بنگال کی خواتین سے 2024 میں بی جے پی کو اکھاڑ پھینکنے کی اپیل کی ہے۔ Trinamool Congress meeting in North 24 Parganas
انہوں نے کہا کہ 'تاریخ گواہ ہے مغربی بنگال کی خواتین نے جب بھی کسی کی مخالفت میں آواز بلند کی ہے اسے تباہ و برباد کر کے ہی دم لی ہے۔ اس بار ان کے سامنے بی جے پی کی نفرت اور مذہب کے نام کی سیاست کو جڑ سے اکھاڑ پھینکنے کا چیلنج ہے۔ ان کا کہنا ہے کہ بنگال کی عام خواتین کو اپنی وزیراعلیٰ ممتا بنرجی کے ہاتھوں کو مضبوط کرنے کے لئے سڑکوں پر اترنا ہوگا۔ سڑکوں پر ان کے آنے سے ہی بی جے پی کی شکست یقینی ہو جائے گی۔' MP Nusrat Jahan appeals to Bengal's women
یہ بھی پڑھیں: Protest against Central Government in Bengal: ممتا نے لگایا مرکزی حکومت پر امتیازی سلوک کا الزام
ترنمول کانگریس کی رکن پارلیمان نصرت جہاں روحی کے مطابق وزیراعلیٰ ممتابنرجی نے بنگال کی خواتین سے کیے گئے اپنے وعدے کو نبھایا ہے۔ خواتین کو مالی طور خود کفیل بنانے کے لئے لکشمی بھنڈار، کنیا شری، آئکیا شری جیسے کئی ترقیاتی منصوبوں کا اعلان کیا ہے۔ خواتین بھی ان اسکیموں سے بھر پور فائدہ اٹھا رہیں ہیں۔ نصرت جہاں روحی نے کہا کہ '2019 کے عام انتخابات میں جو غلطی ہوئی تھی اسے اب سدھارنے کا وقت آگیا ہے۔ بی جے پی کے ارکان اسمبلی اور ارکان پارلیمنٹ ممتابنرجی کی قیادت والی سیاسی جماعت میں شرکت کرنے کے لئے قطار میں کھڑے ہیں۔'
