مرشدآباد: مغربی بنگال کے مرشدآباد ضلع کے بہرامپور سے کانگریس کے رکن پارلیمان ادھیر رنجن چودھری نے عوامی جلسے کو خطاب کرتے ہوئے ترنمول کانگریس کی سربراہ ممتابنرجی اور بی جے پی پر جم کر بھڑاس نکالی۔ رکن پارلیمان ادھیر رنجن چودھری نے کہاکہ مغربی بنگال میں بی جے پی کو مضبوط بنانے والی ممتابنرجی ہیں۔ممتابنرجی کے علاوہ مغربی بنگال کے کسی بھی سیاسی رہنما میں بی جے پی کو لے کر کوئی دلچسپی نہیں ہے۔
ادھیررنجن چودھری نے کہاکہ گزشتہ چند برسوں کے دوران بی جے پی اور ترنمول کانگریس کے رہنماوں نے ہی دل بدل کے کھیل میں حصہ لیا۔بنگال میں دوسری پارٹیوں کو کانگریس سمیت دیگر پارٹیوں کو ختم کرنے کی سازش کی جا رہی ہے۔ انہوں نے کہاکہ ابھیشیک بنرجی کی سی بی آئی دفتر میں حاضری پر کہاکہ یہ سب ڈرامہ ہے۔ابھیشیک بنرجی نظام پیلس میں جائیں گے اور چند گھنٹہ گزارنے کے بعد گھر واپس چل آئیں گے۔یہ سب سیاست کا فیکس کھہل ہے۔اس پر زیادہ توجہ دینے کی ضرورت نہیں ہے۔
ان کا کہنا ہے کہ کرناٹک میں کانگریس کی حکومت بنی ہے۔کانگریس کی حکومت اپنی پہلی کابینہ میٹنگ سے پہلے پانچ وعدے پورے کرنے کی کوشش کرے گی۔گی تمام مذاہب کے لوگوں کو ایک ساتھ لے کر مضبوط اور عوام دوست حکومت کو کامیابی کے ساتھ چلانے کی مثال قائم کی جائے گی۔
یہ بھی پڑھیں:The Kerala Story Controversy ادھیر رنجن چودھری کی ممتابنرجی کی حکومت پر تنقید
پردیش کانگریس کے صدر کے مطابق ملک میں کانگریس کی ایک ایسی لہر اٹھے گی جس میں نفرت،مذہب کی سیاست کرنے والی سیاسی جماعت کا خاتمہ ہو جائے گا۔اس کے ساتھ ساتھ ان پارٹیوں کو بھی شکست کا سامنا کرنا پڑے گاجو بدعنوانی میں ملوث ہیں
