لوک سبھا انتخابات میں کراری شکست کے بعد ترنمول کانگریس کی سربراہ اور مغربی بنگال کی وزیراعلیٰ ممتا بنرجی کے ذریعہ شروع کی گئی عوامی رابطہ مہم کے 24گھنٹے کے بعد ترنمو ل کانگریس نے آج دعویٰ کیا ہے کہ ویب سائٹ اور ہیلپ لائن پر بڑے پیمانے پر لوگ رابطہ کررہے ہیں۔
خیال رہے کہ ترنمول کانگریس کے ممبران اسمبلی اور پارٹی رہنماؤں کی میٹنگ میں ممتا بنرجی نے کل ویب سائٹ اور ہیلپ لائن جاری کیا تھا جس پر کوئی بھی براہ راست رابطہ کرسکتا تھا۔
اس کے علاوہ ممتا بنرجی نے ترنمول کانگریس کے رہنماؤں کو عوامی رابطہ میں اضافہ کرنے کیلئے گاؤں میں جاکر وقت گزارنے کی ہدایت دی۔
ترنمو ل کانگریس نے کہا ہے کہ گزشتہ 24گھنٹے میں ایک لاکھ افراد نے ہیلپ لائن پر رابطہ کیا ہے۔ہرایک ممتا بنرجی سے بات چیت کرنا چاہتا ہے۔تاہم شکایت کندگان کی باتوں کو وزیراعلیٰ تک پہنچانے اور اس کوحل کرنے کی کوشش کی جائے گی۔
”دیدی کے بولو“ دیدی کو بولے کے نام سے ٹوئیٹر پر کہا گیا ہے کہ 24 گھنٹے کے دوران ریاست کے مختلف اضلاع سے ایک لاکھ سے زاءد افراد نے رابطہ کیا ہے۔
انہوں نے کہاکہ ہیلپ لاءن پر 240 افراد لوگ موجود رہتے ہیں اگر ضرورت پڑی تواس تعداد میں مزید اضا فہ کیا جا ئے گا۔
