کولکاتا میٹرو کے ایسٹ ویسٹ میٹرو پروجیکٹ کے سبب بہو بازار کے علاقے میں کئی مکانات میں دراڑیں پڑ گئیں تھی جبکہ کئی مکانوں کو شدید نقصان پہنچا تھا اور کئی مکانات منہدم ہو گئے تھے
آج دس بجے کے قریب بہو بازار کے 8 نمبر شنکر پاڑا لین میں ایک تین منزلہ عمارت زمیں بوس ہوگئی۔ حادثہ کی خبر سنتے ہی مکان مالکان رنجیدہ ہو گئے۔
موقع واردات پر کولکاتا پولس کو متعین کیا گیا ہے۔ دمکل کی گاڑی اور کارپوریشن کا عملہ بھی وہاں موجود ہے.
بتایا جا رہا ہے کہ اس سے قبل علاقے کو پوری طرح خالی کرا لیا گیا تھا۔
لیکن مکینوں کی ضرورت کی چیزیں ابھی بھی مکان میں ہی موجود ہیں جس کی وجہ سے ان کو کافی پریشانی کا سامنا کرنا پڑتا ہے۔
مکینوں نے بتایا کہ جو عمارت منہدم ہوئی ہے وہ 150 سال پرانی ہے لیکن اس کی مرمت ہوتی رہتی تھی۔ مکان منہدم ہونے کی وجہ سے ضرورت کے سامان دستاویزات نکالنا بہت مشکل ہو گیا ہے۔
انہوں نے بتایا کہ بیٹی کا امتحان ہونے والا ہے اس وجہ سے پریشانیاں اور زیادہ بڑہ گئی ہے۔
وہیں دوسری جانب متاثر مکانات، جن میں دراڑیں پڑ گئیں ہیں ان کو کولکاتا کارپوریشن کی جانب سے منہدم کرنے کی ہدایت دی گئی ہے.
