مرکزی حکومت کی جانب سے دعویٰ کیا گیا کہ نوٹ بندی کے بعد حوالہ کاروبار تقریبا بند ہوچکا تھا لیکن این آ ئی اے رپورٹ کے مطابق نوٹ بندی کے بعد حوالہ کاروبار کے لیے پڑوسی ممالک سے نوٹیں آ رہی ہیں۔
رپورٹ کے مطابق نوٹوں کے گھپ کا ایک بڑا حصہ کولکاتا میں آ یا ہے ۔ ان ہی نوٹوں سے حوالہ کا کاروبار چل رہا ہے۔
کولکاتا پولیس کی ایس ٹی ایف اور ہیر اسٹریٹ تھانے کی پولیس نے خفیہ اطلاع کی بنیاد پر مرکزی کولکاتا کے بڑا بازار علاقے میں خصوصی چھا پہ ماری مہم کے دوران لاکھوں روپے کے ساتھ ایک شخص کو گرفتار کرلیا۔
ایس ٹی ایف کے مطابق چھا پہ ماری مہم کے دوران جوڑا بگان کے رہنے والے سجن سومک نام کے ایک شخص کو گرفتار کیا گیا ہے ۔ ان کے پاس تقریباً 31 لاکھ روپے بر آمد کیے ہیں۔
انہوں نے مزید کہا کہ گرفتار شخص سے پوچھ گچھ کے ذریعہ یہ پتہ لگانے کی کوشش کی جا رہی ہے کہ یہ رقم کہاں سے اور کس لیے آ ئی تھی۔
