مغربی بنگال کے دارالحکومت کولکاتا سے چند کیلو میٹر کی دوری پر واقع سالٹ لیک اسٹیڈیم میں میزبان محمڈن اسپورٹنگ اور ممبئی سٹی ایف سی کے درمیان ڈورنڈ کپ 2022 کاپہلا سیمی فائنل میچ کھیلا گیا۔Mohammadan Sporting Lost To Mumbai City FC In Durand Cup Semi Final
دونوں ٹیموں نے جارحانہ انداز میں کھیل کامظاہرہ کرتے ہوئے ایک دوسرے پر سبقت حاصل کرنے کی کوشش کی ۔میزبان ٹیم محمڈن اسپورٹنگ کے اسٹرائیکرز نے جارحانہ انداز میں کھیل کامظاہرہ کرتے ہوئے حریف ٹیم پر تابڑ توڑ حملے کئے۔
ممبئی سٹی ایف سی کی جانب سے میزبان ٹیم پر پے درپے حملوں کاسلسلہ جاری رہا ۔پہلے ہاف کے اختتام تک دونوں ٹیمیں گول کرنے میں ناکام رہیں ۔پہلے ہاف میں میچ کااسکور صفر رہا۔دوسرے ہاف میں بھی دونوں ٹیموں کی جانب سے دلچسپ مقابلہ دیکھنے کوملا.
یہ بھی پڑھیں:Zaheer Khan and Jayawardene New Role ممبئی انڈینز نے جے وردھنے اور ظہیر خان کو نئی ذمہ داری سونپی
دوسرے ہاف میں بھی محمڈن اسپورٹنگ کے کھلاڑیوں کو گول کرنے کے مواقع ملے لیکن بدقسمتی سے وہ اپنی ٹیم کوسبقت دلانے میں ناکام رہے۔کھیل کے اختتام تک دونوں ٹیموں کے درمیان برتری کی جنگ جاری رہی ۔
کھیل کے انجوری ٹائم میں بپین نے خوبصورت گول کرکے ممبئی سٹی ایف سی کو محمڈن اسپورٹنگ پر ایک صفر کی فیصلہ کن برتری دلانے میں اہم رول ادا کیا۔
ممبئی سٹی ایف سی نے ایک صفر سے سیمی فائنل میچ جیت کر ڈورنڈ کپ 2022 کے فائنل میں داخلہ لے لیا۔محمڈن اسپورٹنگ کو ٹورنامنٹ میں پہلی شکست کاسامنا کرنا پڑا۔اس شکست کے ساتھ ہی میزبان ٹیم کوٹورنامنٹ سے باہر کا منہ دیکھناپڑا۔
