مغربی بنگال کے مالدہ ضلع کے ہریش چندرپور میں عوامی جلسے کو خطاب کرتے وزیر فرہاد حکیم نے کہا کہ چند لوگوں نے افواہ پھیلا رکھا ہے کہ ترنمول کانگریس مسلمانوں کی جماعت ہے۔
انہوں نے کہا کہ ترنمول کانگریس مسلمانوں کی نہیں ماں ماٹی مانش کی جماعت ہی اس لئے مذہب کی سیاست سے دور رہتی ہے۔
وزیر فرہاد حکیم کا کہنا ہے کہ ترنمول کانگریس ملک کی واحد سیاسی جماعت ہے جس میں تمام مذاہب کے لوگوں کو جگہ دی گئی ہے۔
اس پارٹی میں بنگالی، مسلمان، سکھ، عیسائی سبھی کو یکساں اہمیت و مقام حاصل ہے۔ یہاں تک کے قبائلیوں اور دلتوں کو بھی نمایاں مقام دیا گیا ہے۔
انہوں نے کہا کہ ہاں اس پارٹی میں مذہب کے نام پر سیاست کرنے والوں کے لئے کوئی جگہ نہیں ہے۔ نفرت پھیلانے والوں کو پارٹی سے دور رکھا گیا ہے اور بنگال کے لوگوں کو بھی اس سے دور رہنے کا مشورہ دیتے ہیں۔
مزید پڑھیے: بی جے پی کو ٹکر دینے کی پوزیشن میں نہیں ہے کانگریس: فرہاد حکیم
وزیر نے کہا کہ مذہبی نعرہ بازی کا غلط استعمال کیا جاتا ہے۔ ہر بات پر مذہبی نعرہ بازی صحیح نہیں ہے۔ اس سے سماج میں غلط پیغام جاتا ہے۔
انہوں نے کہا کہ جے شری رام کا نعرہ ایک فیشن ٹرینڈ بن گیا ہے۔ بغیر ہیلمٹ موٹر سائیکل چلانے والے جب پکڑے جاتے ہیں تو نعرہ بازی کرنے لگتے ہیں۔
انہوں نے کہا کہ یہ سب کیا ہے اس سے کیا ثابت کرنے کی کوشش کی جا رہی ہے؟
