مغربی بنگال میں منی لاک ڈاؤن نافذ

بنگال میں کورونا وائرس کے پیش نظر منی لاک ڈاؤن نافذ کر دیا گیا ہے لیکن کہیں اس پر عمل درآمد کیا جا رہا ہے تو اس کی سرعام خلاف ورزی کی جا رہی ہے۔

مغربی بنگال میں کورونا کیسز میں تیزی سے اضافہ ہورہا ہے، گزشتہ چوبیس گھنٹوں میں کورونا وائرس کے 17 ہزار 865 نئے کیسز سامنے آئے ہیں، جبکہ اس وبا سے 89 لوگوں کی اموات بھی ہوئی ہے۔

اس کے پیش نظر بنگال کے تمام ریاستوں میں منی لاک ڈاؤن نافذ کیا گیا ہے، حالانکہ دیگر علاقوں میں منی لاک ڈاؤن کے باوجود بھی بازار اور دکانیں کھلی رہیں۔ ریاستی حکومت نے منی لاک ڈاؤن کے دوران کورونا گائیڈ پر بھی سختی سے عمل کرنے کی ہدایت دی ہے. اس کی خلاف ورزی کرنے والوں پر سخت کارروائی کا انتباہ دیا ہے۔

محکمہ صحت نے کورونا کے ریکارڈ کیسز سامنے آنے پر تشویش کا اظہار کیا ہے اور کہا ہے کہ لاپرواہی برتنے والا شخص اس کی زد میں آئے گا اس کے ساتھ ساتھ اس کے قریب رہنے والے تمام لوگ اس بیماری کی زد میں آسکتے ہیں۔

واضح رہے کہ محکمہ صحت کے مطابق مغربی بنگال میں کورونا وائرس کے نئے کیسز کی تعداد آٹھ لاکھ کے قریب پہنچ چکی ہے. اس بیماری سے گیارہ ہزار لوگوں کی اب تک موت واقع ہوئی ہے۔