میرٹھ: بی جے پی رہنما کا دعویٰ، آئندہ بھی بی جے پی ہوگی کامیاب

ریاست اتر پردیش میں یوگی حکومت کے ساڑھے چار برس مکمل ہونے پر آج میرٹھ میں بھی بی جے پی اراکین اسمبلی و سینیئر لیڈران نے ضلع میں کیے گئے ترقیاتی کاموں پر پریس کانفرنس کی۔

بھارتیہ جنتا پارٹی سے اراکین اسمبلی نے آج میرٹھ میں کے مختلف مقامات پر میڈیا کو خطاب کرتے ہوئے یوگی سرکار کے ساڑھے چار برس مکمل ہونے پر ضلع میں کرایے گیے ترقیاتی کاموں پر روشنی ڈالی۔ ساتھ انہوں نے آئندہ اسمبلی انتخابات میں اکثریت کے ساتھ کامیاب ہونے کا دعویٰ بھی کیا۔

اس موقع پر بی جے پی کے سینئر لیڈر ڈاکٹر لکشمی کانت واجپئ نے کہاکہ سنہ 2022 اسمبلی انتخابات میں اپنی پارٹی ایک بار پھر اپنے کاموں کی بنیاد پر عوام کے بیچ جاکر اس سے آشرواد حاصل کرے گی۔ کسانوں کے مسائل پر انہوں نے کہاکہ زرعی قوانین کے نام پر چلی آرہی کسان تحریک اب کمزور پڑنے لگی ہے۔ جو کسان اس میں شامل ہیں وہ اصلی کسان نہیں ہیں اس لیے کسانوں کا مسئلہ کوئی خاص نہیں۔

صوبے میں ساڑھے چار برس مکمل کر چکی بی جے پی حکومت کو اب اپنے کاموں کو عوام کے بیچ لے جانے کا مقصد بھی یہی ہے کہ جس طرح سے عوام مہنگائی سے پریشان ہے اس کے زخموں کو کم کرنے کے لیے حکومت میں کیے گئے ترقیاتی کاموں کا سہارا لینا پڑ رہا ہے تاکہ 2022 میں پھر سے صوبے پر قابض ہوا جا سکے۔