مغربی بنگال کے مالدہ ضلع ترنمول کانگریس کی صدر بینظیر موسم نور نے کہا کہ وہ پارٹی چھوڑ کر کہیں نہیں جا رہی ہیں۔
انہوں نے کہا کہ سوشل میڈیا اور نیوز پورٹل وغیرہ پر میرے استعفی سے متعلق جو بھی خبریں منظر عام پر آئی وہ سب غلط ہے۔
ترنمول کانگریس کی ضلع صدر بینظیر موسم نور نے پارٹی سے استعفی دینے سے متعلق خبر کو بے بنیاد اور افواہ قرار دیا ۔ترنمول کانگریس کی سربراہ ممتابنرجی اور ان کی قیادت کو چھوڑ کر جانے کا کوئی سوال ہی پیدا نہیں ہوتا ہے.
موسم نور کا کہنا ہے کہ لوگوں کو جھوٹی خبریں پھیلانے سے کیا فائدہ ہوگا. بی جے پی کے چند رہنما میرے بارے میں افواہ پھیلانے کی کوشش کر رہے ہیں اس سے انہیں کچھ حاصل ہونے والا نہیں ہے۔
شھبندو ادھیکاری سے تعلقات کے سوال موسم نور نے کہا کہ ہم دونوں ایک ساتھ کام کرتے ہیں، اس سے زیادہ کچھ بھی نہیں ہے ۔انہوں نے کہا کہ شھبندو ادھیکاری کے تنازعہ سے میرا کوئی لینا دینا نہیں ہے. مجھے زبردستی ان سے جوڑنے کی کوشش کی جا رہی ہے۔
موسم نور کے مطابق ممتابنرجی کے ہاتھ پکڑ کر سکریٹریٹ بلڈنگ نبنو میں ترنمول کانگریس میں شامل ہوئی تھی.
ممتابنرجی ہی ریاست کی پہلی پسند رہنما ہیں ان کی قیادت میں ترنمول کانگریس کو کامیابی ملے گی.ترنمول کانگریس مالدہ ضلع کی کل 12 سیٹز جیتے گی.
