ریاست اترپردیش کے مرادآباد کے صدر بلاک میں، مکھیہ منتری ساموہک وواہ، اسکیم کے تحت 37 جوڑوں کی اجتماعی شادیاں کرائی گئیں۔ اجتماعی شادی کے پروگرام میں مہمان خصوصی کے طور پر چائلڈ پروٹیکشن کمیش کے صدر وشیش گپتا نے شرکت کی۔ اجتماعی شادیوں کے دوران کئی سرکاری افسر بھی موجود رہے۔
ان 37 جوڑوں میں 34 کی شادی ہندو رسم و رواج کے مطابق اور تین جوڑوں کی شادی مسلم رسم و رواج کے مطابق کرائی گئی۔ سبھی کو حکومت کی طرف سے ملنے والے ضرورت کے سامان کو تحفے کے طور پر دے کر وداع کیا گیا۔ اس کے ساتھ ہی51 ہزار روپے کی رقم کے چیک دیے گئے۔
ڈاکٹر وشیش گپتا نے کہا کہ اترپردیش کے وزیر اعلی یوگی ادتیہ ناتھ ریاست میں جن کلیان کاری یوجنا، کے ذریعہ عوام کو فائدہ پہنچا رہے ہیں۔ اس موقع پر سبھی جوڑوں کو مبارکباد دیتے ہوئے روشن مستقبل کے لیے نیک تمناوں کا اظہارکیا۔
یہ بھی پڑھیں:مرادآباد: ایس ٹی حسن کے داماد کی فیکٹری میں لاکھوں کی لوٹ
