آسام کی طرح مغربی بنگال میں بھی این آرسی کونافذ کرنے کی بھارتیہ جنتاپارٹی کی قیادت والی مرکزی حکومت کی منصوبہ بندی کے سبب ریاست میں عام لوگوں کی موت کاسلسلہ جاری ہے۔
این آر سی نافذہونے کے خوف میں مبتلا ایک مغربی بنگال کے ہگلی ضلع کے کھانی کل علاقے میں رہنے والے ایک شخص کی دل کادورہ پڑنے کی وجہ سے موت ہو گئی ۔
پولیس کاکہنا ہے کہ مرنے والے شخص کی شناخت اتم ہاجرہ کے طور پر ہوئی ہے۔ وہ کھانی کل کے جگدیش تلہ علاقے کا رہنے والے ہیں۔
پولیس نے بتایا کہ ابتدائی تفتیش کے دوران پتہ چلا ہے کہ اتم ہاجرہ گزشتہ چند دنوں سے ذہنی پریشانی میں مبتلا تھے۔ ذہنی پریشانی میں مبتلا ہونےکے سبب ان کا دل کادورہ پڑنے سے ان کی موت ہوگئی۔
پولیس نے مزید کہاکہ پورے معاملے کی تفتیش جاری ہے۔ اب تک اس کیس سے متعلق کوئی مقدمہ دائر نہیں کیاگیاہے۔
مقامی باشندوں کاکہناہے کہ این آرسی کی وجہ سے اتم ہاجرہ کی موت ہوئی ہے۔ ضروری دستاویزات نہیں ہونے کے سبب وہ گزشتہ چنددنوں سے ذہنی پریشانی میں مبتلا تھے۔
انہوں نے کہاکہ اتم ہاجرہ واین آر سی کے نام پر ڈرادھمکایاجارہاتھا۔کسی نے انہیں بھارت سے نکالنےدینے کی بات کہی تھی۔ این آرسی کی وجہ سے اتم ہاجرہ کی موت ہوئی ہے۔
واضح رہے کہ مغربی بنگال میں این آرسی کی دہشت کے سبب اب تک چارلوگوں کی موت ہوچکی ہے۔
