جنوبی کولکاتا کے قصبہ تھانہ علاقے میں ایس ٹی ایف کے ذریعہ فرضی آئی اے ایس بن کر نقلی کورونا ویکسین فروخت کرنے کا معاملہ ابھی سلجھا بھی تھا کہ پولیس نے ڈائمنڈ ہاربر تھانہ علاقے سے فرضی کورونا ویکسن کیمپ کے نام پر لوگوں کو نقلی ویکسین دینے کے معاملے میں ایک شخص کو گرفتار کیا ہے۔
پولیس نے بتایا کہ میتھن منڈل نام کے ایک شخص کی اس معاملے میں گرفتاری عمل میں آئی ہے۔ گرفتار شخص سے پوچھ گچھ کی جارہی ہے۔
پولیس کے مطابق ابتدائی تفتیش میں پتا چلا ہے کہ ڈائمنڈ ہاربر اور سونار پور علاقے میں طبی کیمپ کے دوران سینکڑوں لوگوں کو نقلی کورونا ویکسین لگایا جا چکا ہے۔
مزید پڑھیں:
ممبئی: فرضی کورونا ویکسین دینے والا گروہ بے نقاب
اس معاملے میں کولکاتا میونسپل کارپوریشن کے ایڈمنسٹریٹو بورڈ کے سربراہ فرہاد حکیم نے محکمہ صحت کو اس معاملے کو سنجیدگی سے لے کر چھان بین کرنے کی ہدایت دی ہے۔
