مغربی بنگال کی وزیراعلی ممتابنرجی نے آر جے ڈی کے رہنما تیجسوی یادو کو فون کیا اور بہار کی موجودہ سیاسی صورتحال پر بات چیت کی۔
وزیر اعلی ممتا بنرجی کا کہنا ہے کہ بہار اسمبلی انتخابات کے بعد پہلی مرتبہ آر جے ڈی کے رہنما تیجسوی کو فون کرکے موجودہ حالات کے بارے میں واقفیت حاصل کی۔ ممتا نے کہا کہ الیکشن کے دوران تیجسوی مصروف تھے جس کی وجہ سے بات چیت نہیں ہو پائی۔
ترنمول کانگریس کی سربراہ ممتابنرجی کے مطابق تیجسوی سے روٹین پروٹوکال کے تحت بات چیت ہوئی. انہوں نے کہا کہ فون کال کو سیاسی سنجیدگی سے لینی کی ضرورت نہیں ہے۔ یہ ایک عام گفتگو ہے۔ اس سے زیادہ کچھ بھی نہیں ہے۔
بہار میں تیجسوی کی قیادت میں عظیم اتحاد نے اچھا مظاہرہ کیا۔تاہم عددی طاقت این ڈی اے کو ملی۔ مگر تیجسوی نے این ڈی اے کو زبردست ٹکر دی۔تیجسوی نے اپنے دم پر یہ پورا انتخاب لڑا۔ جن کے مقابل میں بڑے بڑے رہنما جیسے وزیر اعظم نریندر مودی اور نتیش کمار میدان میں تھے۔ اس انتخاب کے بعد تیجسوی کو ملک کےابھرتے ہوئے نوجوان رہنما کے طور پر دیکھا جارہا ہے۔
یہ بھی پڑھیں:'دلیپ گھوش پرکئی حملےہوئے، مگر کاروائی نہیں ہوتی'
