ممتا بنرجی اس قانون کے خلاف ریاست میں ہونے والے احتجاج و مظاہروں کا گزشتہ کئی ہفتوں سے قیادت کر رہی ہیں۔ ان کی قیادت میں کولکتہ میں کئی ریلیاں منعقد ہوئی ہیں۔ 'ترنمول چھاتر پریشد' اور 'ترنمول مہیلا کانگریس' کی کارکنان نے بھی احتجاج و مظاہہرہ کیا ہے۔
مغربی بنگال ملک کی واحد ریاست ہے جس نے این آر سی کے معاملہ پر دہلی میں مرکزی حکومت کے اجلاس کا بائیکاٹ کیا تھا۔ ساتھ ہی 'اتربنگ اتسو' کا بھی بائیکاٹ کیا تھا۔
محترمہ بنرجی نے و اشگاف الفاظ میں کہا ہے کہ بنگال میں این پی آر اور سي اےاے لاگو نہیں ہو گا۔ انہوں نے ریاست کے لوگوں سے وعدہ کیا ہے کہ وہ ان کی ہر دن حفاظت کریں گی۔
