کلکتہ ہائی کورٹ کی جانب سے جرمانہ عائد کرنے کے فیصلہ کو چیلنج کرنے کا فیصلہ

مغربی بنگال کی وزیراعلیٰ ممتا بنرجی کے وکیل سنجے باسو نے کہا ہے کہ وہ کلکتہ ہائی کورٹ کے جج جسٹس کوشک چندرا کے ذریعہ 5 لاکھ جرمانہ عاید کئے جانے کے فیصلے کو چیلنج کریں گے۔انہوں نے کہا کہ ہم اس سلسلے میں اقدامات کریں گے اور مجھے یقین ہے کہ ہم کامیاب ہوں گے۔

کلکتہ ہائی کورٹ نے آج نندی گرام اسمبلی حلقے کے اسمبلی نتائج کو چیلنج کرنے والی ممتا بنرجی کی عرضی کی سماعت کرتے ہوئے جسٹس کوشک چندرا نے خود کو الگ کرتے ہوئے ممتا بنرجی پر 5لاکھ روپے جرمانہ عاید کیا تھا۔

ترنمول کانگریس نےجسٹس کوشک چندرا کی غیر جانبداری پر سوال اٹھاتے ہوئے کلکتہ ہائی کورٹ کے کارگزار چیف جسٹس راجیش بنڈل سے درخواست کی تھی اس معاملے کی سماعت کسی اور جج کی عدالت میں کرایا جائے کیوں کہ جسٹس کوشک چندرا بحیثیت وکیل بی جے پی سے وابستہ رہے ہیں ۔

یو این آئی