ترنمول کانگریس کی سربراہ ممتا بنرجی نے آئندہ 11 مارچ کو نندی گرام اسمبلی حلقہ سے پرچہ نامزدگی داخل کر سکتی ہیں۔
الیکشن کمیشن نے مغربی بنگال اسمبلی انتخابات کو آٹھ مراحل میں کرانے کا اعلان کیا ہے اس کے پیش نظر 27 مارچ سے شروع ہونے والے پہلے مرحلے کی انتخابات کے لئے پرچہ نامزدگی کا سلسلہ جاری ہے۔ حالانکہ ترنمول کانگریس کی جانب سے امیدواروں کی فہرست آج جاری نہیں کی گئی ہے۔
ذرائع کے مطابق گزشتہ اسمبلی انتخابات میں ترنمول کانگریس کی جانب سے نندی گرام اسمبلی حلقہ سے شبھیندو ادھیکاری امیدوار تھے جنہوں نے اس سیٹ سے جیت حاصل کی تھی۔ لیکن اس بار کی اسمبلی انتخابات میں ممتا بنرجی نندی گرام اسمبلی حلقہ سے پرچہ نامزدگی داخل کریں گی۔
