چھٹ پوجا کے موقع پر ممتا بنرجی نے اپواس رکھا

ممتا بنرجی نے چٹھ پوجا کی مبارک باد پیش کرتے ہوئے کہا کہ یہ پوجا مغربی بنگال میں بھی بہت معروف اور مقبول ہوچکا ہے۔ وزیر اعلیٰ نے کہا کہ میں بھی اپنی منت کو پورا کرتی ہوں۔ میں صبح سے صرف چائے پی رہی ہوں۔ میری دعا ہے کہ سب پر سلامتی ہو، آپ کا سماجی بہبود خاندان پورے ملک کو یہ پیغام دے رہا ہے۔"

وزیرا علیٰ ممتا بنرجی نے آج چھٹ پوجا کے موقع پر انتظامات کا جائزہ لینے کے بعد کہا کہ انہوں نے اپواس رکھا ہے اور صبح سے صرف چائے پی ہے ۔ ممتا بنرجی نے کہا کہ کورونا پروٹوکول پر عمل کرتے ہوئے چھٹ پوجا کا اہتمام کیا جارہا ہے۔

ممتا بنرجی نے پوجا کی مبارک باد پیش کرتے ہوئے کہا کہ یہ پوجا مغربی بنگال میں بھی بہت معروف اور مقبول ہوچکا ہے۔ وزیر اعلیٰ نے کہاکہ میں بھی اپنی منت کو پورا کرتی ہوں۔ میں صبح سے صرف چائے پی رہی ہوں۔ میری دعا ہے کہ سب پر سلامتی ہو، آپ کا سماجی بہبود خاندان پورے ملک کو یہ پیغام دے رہا ہے۔"

ممتا بنرجی نے کہا کہ میں ایک دہائی سے یہاں آرہی ہوں اور بہت سے گھاٹوں کا ورچوئل معائنہ کیا ہے۔ ممتا بنرجی نے کہا کہ میں جب جادو پور لوک سبھا حلقے سے کامیاب ہوئی تو اس وقت وہاں گھاٹ نہیں تھے میں نے بنوایا اور جب جنوبی کلکتہ سے ممبر پارلیمنٹ بنی اس وقت سے یہاں آرہی ہوں اور لوگوں کی مدد کررہی ہوں ۔

ممتا بنرجی نے کہا کہ بنگال میں تمام تہواروں کا یکساں احترام کیا جاتا ہے۔پہلے یہاں صرف ایک دن کی چھٹی تھی اب دو دن کی چھٹی دی جاتی ہے ۔ممتا بنرجی نے کہا کہ چھٹ پوجا کے بعد بنگال میں گنیش پوجا کی بھی اہمیت دی جارہی ہے ۔ گنگا ساگر میں 30 لاکھ زائرین آتے ہیں۔ ہم نے اب گنگا ساگر میں کافی ترقی کی ہے۔

چھٹ اتسو منانے والے زیادہ تر لوگ ہندی بولنے والے ہیں۔ ممتا بنرجی نے کہا کہ میں ہندی بول لیتی ہوں مگر مکمل طور پر ہندی بولنے سے قاصرہوں اگر اگر کہیں پر کوئی غلطی ہوجائے تو اس کو معاف کردیں۔

یواین آئی