'ممتابنرجی کے حلقے میں کم ووٹنگ تشویش کی بات'

مغربی بنگال کانگریس کے صدر ادھیر رنجن چودھری نے کہا کہ اس میں کوئی شک نہیں کہ ممتا بنرجی جیتی ہیں مگر بھوانی پور میں کم ووٹنگ کے فیصد نے کئی سوال کھڑے کر دیے ہیں۔

مغربی بنگال پردیش کانگریس کمیٹی کے صدر ادھیر رنجن چودھری نے کہا کہ بھوانی پور اسمبلی سے ممتابنرجی فاتح ہیں اور اس کے لئے وہ مبارکبادی کے مستحق ہیں لیکن ان کی جیت کے باوجود کئی سوال کھڑے ہو گئے ہیں۔

کانگریس کے رہنما کا کہنا ہے کہ ممتا بنرجی بھوانی پور اسمبلی حلقے سے ضمنی انتخابات لڑیں وہاں سب سے کم ووٹنگ ہوئی۔ یہ بڑی تشویش کی بات ہے۔ اس سے کئی سوال کھڑے ہوئے ہیں۔

انہوں نے کہا کہ ممتابنرجی حکمراں جماعت ترنمول کانگریس کی سربراہ ہیں۔ بھوانی پور ان کا حلقہ ہے لیکن وہ دوسرے علاقوں کی طرح وہاں زیادہ ووٹنگ نہیں کروا سکیں۔

غورطلب ہے کہ ضمنی انتخابات میں جہاں ایک طرف شمشیرگنج اور جنگی پور اسمبلی حلقوں میں 70 سے زائد فیصد سے زائد ووٹنگ ہوئی دوسری طرف بھوانی پور میں 56 فیصد تک ہی پولنگ ہو پائی۔