ترنمول کانگریس کے رہنما کنال گھوش کو شاردا چٹ فنڈ میں سی بی آئی عدالت نے ان کی پیشگی ضمانت کی عرضی منظور کرتے ہوئے ضمانت دے دی ہے۔ کنال گھوش کو آئندہ 20 ستمبر کو ای ڈی نے طلب کیا ہے۔
اطلاعات کے مطابق ترنمول کانگریس کے رہنما کو آئندہ 20 ستمبر کو ای ڈی نے ایک بار پھر طلب کیا ہے۔ اس سے قبل ہی انہوں نے سی بی آئی کی خصوصی عدالت میں پیشگی ضمانت کی عرضی دی تھی۔ جسے عدالت نے آج منظور کرتے ہوئے ضمانت دے دی ہے۔
عدالت سے مخاطب ہوتے ہوئے کنال گھوش کے وکیل اوئن چکرورتی نے کہا کہ ای ڈی کے مطابق کنال گھوش کے خلاف نئے طور پر کوئی جانچ نہیں ہے۔جس کے بعد سی بی آئی کی خصوصی عدالت نے 20 ہزار روپے کے مچلکے پر کنال گھوش کو ضمانت دی ہے۔