ہر سال جنوری ماہ میں کولکاتا میں لگنے والا بین الاقوامی کتاب میلہ آئندہ برس جولائی میں منعقد کیا جائے گا۔
بین الاقوامی کتاب میلہ کا انعقاد کرنے والی تنظیم پبلشرز اینڈ بک سیلرز گلڈ نے اعلان کیا کہ کورونا وائرس سے پیدا ہونے والے صورت حال میں اب بہتری آئی ہے۔ اس لئے کتاب میلہ کا انعقاد رواں برس جولائی میں کیا جائے گا۔ حالانکہ ابھی حتمی تاریخ کا اعلان نہیں کیا گیا ہے۔
پبلشرز اینڈ بک سیلرز گلڈ کے جنرل سیکریٹری سدھانگشو سیکھر رائے نے بتایا کہ اس بار کتاب میلے کا تھیم بنگلہ دیش پر ہوگا۔
بنگلہ دیش کے سابق وزیر مجیب الرحمن کا جولائی میں صد سالہ سالگرہ بھی ہے اور بنگلہ دیش کی آزادی کے پچاس برس پورے بھی ہو رہے ہیں۔ اس حوالے سے کتاب میلہ میں شیخ مجیب الرحمن کو خراج عقیدت پیش کیا جائے گا اور نیتا جی سبھاش چندر بوس اور ڈائرکٹر ستیہ جیت رائے کو بھی خراج تحسین پیش کیا جائے گا۔
مزید پڑھیں:
کولکاتا ائرپورٹ پر پرائیویٹ طیارے کی ہنگامی لینڈنگ
انہوں نے کہا کہ ”اسکولز میں ہونے والے امتحانات کو مد نظر رکھتے ہوئے کتاب میلہ کا جولائی میں انعقاد کرنے کا فیصلہ کیا گیا ہے۔ اس بار بھی سالٹ لیک کے سنٹرل پارک میں کتاب میلہ کا انعقاد کیا جائے گا۔اس دوران ضروری احتیاط کا خیال بھی رکھا جائے گا۔
قومی اور بین الاقوامی پبلشرز کو کتاب میلہ میں شرکت کے لئے یکم مارچ 2021 سے عرضی دینے کی اطلاع دی گئی ہے۔
